زانکۆی سلێمانی بەشداری کۆنگرەی جیهانی گەشەپێدانی بەردەوام دەکات

PUKMEDIA

بەشیک لە کۆنگرەکە

کۆنگرەی جیهانی گەشەپێدانی بەردەوام بە بەشداری زانکۆی سلێمانی لە ئەندۆنیسیا کۆتایی هات و وەفدی زانکۆکەش رایگەیاند: هەوڵەکانمان بۆ بەرزکردنەوەی پێگەی نێودەوڵیی زانکۆی سلێمانی و بەشداریی کاریگەر لە بەدیهێنانی ئامانجەکانی گەشەپێدانی بەردەوام هەروا بەردەوام دەبن.

وەفدێکی زانکۆی سلێمانی بەشداریکرد لە کۆنگرەی جیهانیی گەشەپێدانی بەردەوام (GSDC 2026) لە جاکارتای پایتەختی ئەندەنوسیا، لەنزیکەوە ئاگاداری نوێترین ڕەوت و ئەزموونە جیهانییەکان بوون لە بواری گەشەپێدانی بەردەوام و خوێندنی باڵا.

وەفدەکە رایانگەیاند: لە ئەنجامی ئەم بەشدارییە چوار ڕۆژییەدا، زانکۆی سلێمانی توانی پەیامی خۆی و نموونە سەرکەوتووەکانی لە بواری گەشەپێدانی بەردەوام بە دەیەها زانکۆ و دامەزراوەی جیهانی بگەیەنێت، هەروەها دەرفەتی دروستکردنی پەیوەندی و گفتوگۆی نوێمان لەگەڵ هاوبەشانی نێودەوڵەتی بۆ خۆمان ڕەخساند.

ئەوەش ئاماژەی پێکراوە، کۆنگرەکە بە کۆتایی هات، بەڵام هەوڵەکانمان بۆ بەرزکردنەوەی پێگەی نێودەوڵیی زانکۆی سلێمانی و بەشداریی کاریگەر لە بەدیهێنانی ئامانجەکانی گەشەپێدانی بەردەوام بەردەوام دەبن.

PUKMEDIA