Salar Mehmûd: YNK piştgiriya nêrînên Kongreya Neteweyî ya Kurdistanê dike

PUKMEDIA

Dêlfî

Salar Mehmûd, Berpirsê Navenda Derve ya Yekîtiya Nîştimanî ragihand: Kongreya Neteweyî ya Kurdistanê platformeke girîng a komkirina nîştimanî ye ji bo dîtina rêçarenivîsa doza Kurd li cîhanê. Her wiha tekez kir: Yekîtiya Niştimanî ya Kurdistanê bi serokatiya Serok Bafil, li ser xeta Serok Mam Celal dê berdewam be li ser piştgirîkirina vê navendê û rûbirûbûna rastiya heyî a dozên nîştimanî li hemû beşên Kurdistanê.

Salar Mehmûd, Berpirsê Navendê, di konferansa Kongreya Neteweyî ya Kurdistanê de, gotara YNK xwend û ragihand: Kongreya Neteweyî ya Kurdistanê platformeke girîng a komkirina nîştimanî û neteweyî ye ji bo dîtina rêçareyên doza neteweyî ya Kurdistanê li cîhanê.
Her wiha ragihand: Çawa ku di destpêkê de Serok Mam Celal destpêşxer û pişkdar bû di avakirina vê navenda girîng de, niha jî bi serokatiya Serok Bafil Celal Talebanî, Yekîtî dê piştgira tezên kongreyê be. Çunke Yekîtiya Niştimanî ya Kurdistanê li ser asta Herêma Kurdistanê û Iraqê di desthilatê de ye û dizane ku kêşeyên herêmê bêyî doza Kurd û kesayetiyên bigêr (bibeandem) çareser nabin.

Salar Mehmûd amaje bi vê yekê jî kir: Yekîtiya Niştimanî ya Kurdistanê biryar daye ku di dozên nîştimanî de rasterast û realîst rûbirûyî pêşhatan bibe, û wek ku Serok Mam Celal jî di teza xwe de amaje pê dike û dibêje: "Doza Kurd li Bakurê Kurdistanê û gihîştina bi aştiyê, kilîta çareserkirina kêşeya Kurd e li Rojhilata Navîn.


Ragihand: Îsal Yekîtiya Nîştimanî di 51emîn salvegera damezrandina xwe de projeya eniyeke Kurdistanî li ser asta hemû hizb û aliyên siyasî yên Kurdistanê pêşkêş kir, ji ber wê jî erka Kongreya Neteweyî ya Kurdistanê ye ku bi hûrgulî binirxîne û piştgiriya wê bike, çunkê eger em yekgirtî bin tu hêz nikare bûyera Lozanê û piştî Lozanê bi ser 50 milyon Kurd de bîne.

Li dawiya gotara xwe de berpirsê Navenda Derve ya YNK ev yek jî eşkere kir: YNK wek çawa di dîrokê de şanaziya wê yekê bi ser de hatiye birîn ku hêzeke nîştimanî ye, di niha de jî piştgiriya pirsa Kurd dike li hemû beşên din ên Kurdistanê, bêyî destwerdan û bêyî merc.


PUKMEDIA