Qubad Talebanî bi şandeke bazirganî ya Fînlandayê re civiya

Nûsîngeha ragihandina Qubad Talebanî

Qubad Talebanî û Aki Kaupinen

Cîgirê Serokwezîr Qubad Talebanî li kevana Foruma Aborî ya Navneteweyî ya Delfî li Silêmaniyê bi şandeyeke bazirganî ya Fînlandayê re bi serokatiya Berpirsê Karûbarên Balyozxaneya Fînlandayê Aki Kaupinen li Bexdayê re civiya.

Di civînê de, her du aliyan li ser pêwîstiya pêşxistina peywendiyên di navbera Herêma Kurdistanê û Fînlandayê de gotûbêj kirin û li hev kirin ku lidarxistina Konferansa Navneteweyî ya Delfî li Silêmaniyê derfeteke girîng e ji bo dîtina derfetên veberhênanê û avakirina peywendiyan di navbera sektora taybet a her du aliyan de.

Qubad Talebanî behsa stratejiya cihêrengkirina çavkaniyên dahatê kir û got ku; Em dixwazin bi sûdwergirtina ji ezmûna serketî ya welatên dost, di nav de jî Fînlandayê, pêvajoya pêşkeftina aborî ya herêmê bileztier bikin.

Di beşek din a civînê de, li ser sîstema veguhastina pêşketî ya Fînlandayê gotûbêj hat kirin, di vî warî de, Qubad Talebanî ji hikûmeta Fînlandayê xwest ku di veguhestina vê ezmûnê bo Herêma Kurdistanê û bajarê Silêmaniyê de alîkari be.

PUKMEDIA