riklam

سایلۆی گەرمیان پرۆسەی وەرگرتنی گەنمی جووتیارانی دەستپێکرد

کوردستان 08:19 PM - 2026-06-13
گەنم PUKMEDIA

گەنم

گەنمی جوتیاران

پرۆسەی وەرگرتنی گەنم لە گەرمیان دەستیپێکرد و جوتیاران نیگەرانن، چونکە داوای زیادکردنی ئەو رێژە گەنمە دەکەن کە لێیان وەردەگیرێت.

لە ئەمڕۆوە شەممە 13ى6ى2026  پرۆسەی وەرگرتنی گەنم لە گەرمیان دەستیپێکرد و بۆماوەی چل رۆژ سایلۆکە بەڕووی جووتیاراندا کراوە دەبێت.

جوتیارێکیش لە گەرمیان بە PUKMEDIA راگەیاند: ئێمە وەکو جووتیارانی ناوچەکە رازین لە چۆنیەتی دەستپێکردنی پرۆسەکە، بەڵام  لە چۆنیەتی وەرگرتنی گەنمەکە نیگەرانین، چونکە دوای زیادکردنی ئەو رێژەیە دەکەین کە لێمان وەردەگیرێت، لەبەرئەوەى لە تۆنێکدا تەنها 90 کیلۆمان لێوەردەگیرێت، ئەمە لەکاتێکدایە لە ناوچەکانی دیکەى عیراق بۆهەرتۆنێک 900 کیلۆ وەردەگیرێت.

ئاماژەى بە ئەوەشدا: بڕی ئەو پارەیەی کە ساڵی پار بۆمان دابینکرابوو،  30 ملیار دیناربوو، لەو رێژەیەش بە پێنج قۆناغ 12 ملیاری دابەشکراوە، بەڵام تاوەکو ئێستا 18 ملیاری جووتیاران لە ئەستۆی سایلۆی گەرمیان ماوەتەوە.

ئەوەشى خستەڕوو: ئەو بڕە گەنمەی کە ئەمساڵ دیاریکراوە لە هەرێمى کوردستان وەربگیرێت، بریتییە لە 290هەزار تۆن.

ئەمەش لە کاتێکدایە، بەپێی رێنماییەکانی وەزارەتی بازرگانی عیراق سایلۆی گەرمیان توانای وەرگرتنی 40 هەزار تۆنی هەیە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket