Serokomar: Karê sivîl hêzeke niştimanî ye

Ragihandina Serokomar

Serokomar bi şanda Sivîl re civiya

Îro Duşemê 27ê tîrmeha 2026an, Serokomarê Iraqê Nizar Amêdî, li Koşka Sîlam a li Bexdayê, pêşwazî li şandeyeke nûneratiya hejmarek ji rêxistinên civaka sivîl kir.

Di hevdîtinê de behsa rastiya karê sivîl û wan derfetan hat kirin ku dibin sedema pêşxistina jîngeha wê û bilindkirina asta karê wê, her wiha behsa wan astengiyan hat kirin ku rûbirûyê rêxistinan dibin di encamdana peyama wan de û Serokomar tekez kir ku veberhênan di destpêşxeriyên civakî de, stûnên aramiya niştimanî diçespîne û demokrasiyê xurtir dike, her wiha wekî bingeheke sereke ji bo avakirina civakê û xurtkirina rola welat di çêkirina paşerojê de tê dîtin.

Her wiha Nizar Amêdî diyar jî kir, ku rêxistinên civaka sivîl roleke bingehîn dileyzin di geşkirina şiyanên niştimanî û pêşkêşkirina destpêşxeriyên curbicur û çespandina çanda berpirsiyariyê û karê hevpar de, û da xuyakirin ku Serokomariya Iraqê bi çavekî hêzeke niştimanî ya piştgir li karê sivîl dinêre ku beşdar e di zindîkirina ruhê destpêşxerî û bexşînê û kûrkirina nirxên hevkariya civakî û întimayê de.

Di hember de, endamên şandeyê, girîngîdan û piştgiriya Serokomar ji bo çalakiyên sivîl bilind nirxandin û tekez kirin ku avakirina hevpariyeke karîger di navbera saziyên dewletê û rêxistinên civaka sivîl de, pêngaveke girîng e ber bi berfirehkirina beşdariya civakî ve.

PUKMEDIA