DEM Partî ligel MHP û AKPê projeyasaya piroseya çareseriyê gotûbêj dike.

PUKMEDIA

Logoya DEMpartî

Dem Partî ligel nêzîkbûna dema pêşkêşkirina pirojeyasaya taybet bi pêvajoya çareseriyê li parlamentoya Tirkiyeyê, xuleke nû ya hevdîtin û civînên xwe yên ligel aliyên siyasî yên wî welatî dest pê kiriye.

Di vê çarçoveyê de jî, Dewlet Baxçelî, Serokê Partiya Tevgera Neteweyî (MHP), li nivîsgeha xwe ya li parlamentoya Tirkiyeyê pêşwazî li şanda Partiya Demokrasî û Wekheviya Gelan (DEM Partî) kir. Di civînê de, Baxçeli li ber deriyê nivîsgeha xwe ya li parlamentoya Tirkiyeyê pêşwazî li endamên şanda Îmraliyê, Perwîn Buldan û Mithat Sancar kir.
Her wiha şande ligel Efkan Ala, Cîgirê Serokê Giştî yê AKPê û Abdullah Guler, Serokê Koma Parlamentoyê ya AKPê civiya.

Di civîna navbera DEM Partî û MHPê de, giftûgo li ser karên Komîsyona Yekrêziya Neteweyî, Biratî û Demokrasiyê û wê pêşnûmeyasaya taybet hatin kirin ku biryar e ji bo pêvajoya çareseriyê pêşkêşî parlamentoyê were kirin.

Pêvajoya çareseriyê li Tirkiyeyê li benda pirojeyaseyeke taybet e ji bo yekalîkirina çarenûsa gerîlayên Partiya Karkerên Kurdistanê (PKK) piştî çekdanîn û teslîmbûnê.

PUKMEDIA