Qubad Talebanî: Xaneqîn navendeke girîng a Yekîtiya Nîştimanî ye

PUKMEDIA

Qubad Talebanî li Xaneqîn

Di dema serdana xwe ya ji bo rêveberiya Germiyanê de, berpirsê nivîsgeha sekreteriya Serok Mam Celal, Qubad Talebanî bi berpirs û endamên Navenda Rêxistinên Xaneqînê ya Yekîtiya Niştimanî ya Kurdistanê re civiya.

Di civînê de, Qubad Talebanî pîrozbahî li Karwan Yarwês kir bi boneya destbikarbûna wî wek berpirsê Navenda Rêxistinên Xaneqînê, her wiha pîrozbahî li endamên navenda rêxistinê kir û serkeftin di erkên wan de ji bo wan xwest.
Berpirsê nivîsgeha sekreteriya Serok Mam Celal bal kişand ser girîngiya bajarê Xaneqînê ji bo YNK û tekez kir ku ew ji destpêka şoreşa gelê me ve navendeke girîng a Yekîtiya Niştimanî bûye. Wî got: Divê endamên Navendê di pêşerojê de xwe li gorî rewşa nû ya Yekîtiya Niştimanî ya Kurdistanê biguncînin, û hemû hewlên xwe bidin da ku pêgeha wê li herêmê bihêz bikin. Her wiha soz da ku hemû piştgiriya pêwîst pêşkêşî wan bike.

Di aliyekî din ê civînê de, Qubad Talebanî behsa siyaset û pêgeha YNK di vê qonaxê de kir. Wî eşkere kir ku ew bi serokatiya Bafil Celal Talebanî, berdewam e li ser bihêzkirina pêgeh û hêza xwe li Kurdistan, Îraq û di siyaseta navdewletî de, bi şêweyekî ku di hemû astan û di pirsên cuda de pêşengî ji siyaset û helwesta YNK re tê dayîn.

Piştî guhdarîkirina li nêrîn û daxwazên endamên meclîsa Navenda Rêxistinên Xaneqînê, berpirsê sekreteriya Serok Mam Celal soz da ku şopandinê ji bo hemû pirsgirêk û kêmasiyan bike û wan çareser bike. Wî tekez kir ku Yekîtiya Niştimanî ya Kurdistanê û nûnerên wê li Bexdayê dê hemû hewlên xwe bidin da ku pirsgirêkên xelkê Xaneqînê çareser bikin.

PUKMEDIA