Qubad Talebanî li Kalarê navendeke nû ya çandî û rewşenbîrî vekir

PUKMEDIA

Ragihandina Qubad Talebanî

Qubad Talebanî li bajarê Kelarê Navenda Çandî ya "Aran"ê vekir û ragihand: Ji ber geşedana bilez a Kelarê di warê aborî û nifûsê de, avakirina navendeke çandî ya bi vê şêwazê hewceyiyeke giring bû û tekez kir ku ev navend dê bibe derfeteke baş ji bo geşepêdana şiyana ciwanan û qada rewşenbîriyê ya devera Germiyanê.

Qubad Talebanî, Cîgirê Serokê Hikûmeta Herêma Kurdistanê ragihand: Kelar çi di warê hejmara nifûsê de û çi di warê aborî û xizmetguzariyê de geşedaneke bilez kiriye. Di vê navberê de, navendeke çandî û rewşenbîrî ku di asta vê geşedanê de be û şayisteyê Kelarê be, pir hewce bû.

Got jî: Ez pîrozbahiyê li xelkê giranbiha ê Kelarê dikim ku ji îro pê ve bûn xwediyê navendeke çandî û rewşenbîrî ya ciwan û pêşkeftî. Ez kêfxweş bûm bi vekirina Navenda Aran ku holake pêşkeftî ya sînemayê, pirtûkxaneyeke dewlemend, galeriyeke ciwan û sentera navenda û hînbûna muzîkê ye di xwe de dihewîne. Ev navend bi taybetî ji bo wî hemû ciwanên xwendewar, jêhatî, hunerdost û çanddost, derfeteke baş e ji bo geşepêdana aliyê rewşenbîrî û çandî yê Germiyanê.

PUKMEDIA