Dadwerî: Di doza wekîlê wezareta petrolê de dest danîn ser 25 milyar dînarên Îraqî

PUKMEDIA

pereyên Îraqî û dolarên Amerîkî û zêr

Dadgerê lêpirsînê yê dadgeha sûcên giran a navendî ya têkoşîna dijî gendeliyê îro Pêncşemê 16/7/2026, eşkere kir ku di çarçoveya lêpirsînên berdewam ên li ser doza tometbarê girtî Ednan El-Cumeylî (Alîkarê Wezîrê Petrolê yê ji bo Karên Parzûnkirinê) de, hinek dravên din hatine desteserkirin.

Dadger diyar kir ku beşek ji dravê desteserkirî li cem çend kesan hatibû spartin, lê beşa din di nava dîwarên çend xaniyan de veşartî hat dîtin. Bi vî rengî, tevahiya dravê hatî desteserkirin gihîşt (25) milyar dînarên Îraqî û (200.000) dused hezar dolarên Amerîkî, her wiha (4) kîlogram zêr.
Her wiha anî ziman ku lêpirsînên di doza tometbar de, di çarçoveya rênasên şopandina dahatên tawanê û kesên tê de destên wan hene de hîn jî berdewam dikin.

PUKMEDIA