لامه‌ركه‌زییه‌تی پارێزگاكان یه‌كێك بوو له‌خاڵه‌كانی رێكه‌وتنی نێوان ی.ن.ك و پ.د.ك بۆ پێكهێنانی كابینه‌ی نوێی حكومه‌تی هه‌رێم، هه‌ر له‌سه‌ر داوای یه‌كێتیش له‌كارنامه‌ی كابینه‌ی نۆیه‌می حكومه‌تدا جێگركراو ئێستاش تیمی یه‌كێتی كاری له‌سه‌ر ده‌كات.

هه‌ر له‌و ڕووه‌وه‌ له‌میانی پێشكه‌شكه‌شكردن و خوێندنه‌وه‌ی كارنامه‌ی حكومه‌ته‌كه‌ی له‌ كابینه‌ی نۆیه‌م له‌ به‌رده‌م پارله‌مانی كوردستان، مه‌سرور بارزانی ته‌ئكیدی له‌و خاڵه‌ی ناو رێكه‌وتنی یه‌كێتی و پارتی كرده‌وه‌و رایگه‌یاند، كارده‌كه‌ن بۆ جێبه‌جێكردنی چه‌سپاندنی لامه‌ركه‌زیه‌تی ئیداری پارێزگاكان و شۆركردنه‌وه‌ی ده‌سه‌ڵاته‌كان و دابه‌شكردنی ئه‌رك و به‌رپرسیاریه‌تیه‌كان.

ئه‌گه‌رچی له‌و كارنامه‌یه‌دا هاتووه‌ كه‌ حكومه‌ت له‌كابینه‌ی نۆیه‌م كار بۆ شۆركردنه‌وه‌ی ده‌سه‌ڵاته‌كان و دابه‌شكردنی ئه‌رك و لێپرسراوێتییه‌كان ده‌كات، به‌ڵام كۆكردنه‌وه‌ی ده‌سه‌ڵاته‌كان بۆ هه‌ره‌می ده‌سه‌ڵات و قۆرخكردن و به‌ ناوه‌ندیكردنیان، وایكرد زۆرترین ره‌خنه‌ ڕووبه‌ڕووی ئه‌م كابینه‌یه‌ بكرێته‌وه‌.

هه‌ر له‌و چوارچێوه‌یه‌شدا و به‌هۆی جیاوازیكردن له‌ خزمه‌تكردنی  پارێزگاكانی هه‌رێم ، ئه‌نجومه‌نی پاریزگای سلێمانی ده‌ستی بۆ پرۆژه‌ی لامه‌ركه‌زی ئیداریی و كارگێریی بردووه‌.

به‌پێی نوسراوێكی ره‌سمی كه‌ له‌ رۆژی 30-4-2020 ده‌رچووه‌  و ئیمزای (ئازاد محه‌مه‌د ئه‌مین)، سه‌رۆكی ئه‌نجومه‌نی پاریزگای سلێمانی له‌سه‌ره‌، بڕیاردراوه‌ به‌پێكهێنانی لیژنه‌یه‌ك كه‌ له‌ سه‌رۆكێك و 8 ئه‌ندام پێكهاتووه‌و نوێنه‌ری سه‌رجه‌م فراكسیۆنه‌كانی له‌ خۆگرتوه‌ به‌مه‌به‌ستی  ئاماده‌كردنی پرۆژه‌یه‌كی لامه‌ركه‌زی كارگێریی و دارایی به‌پێی یاسای ئه‌نجومه‌نی پارێزگاكان بۆ سنوری جوگرافی ئه‌نجومه‌نه‌كه‌ .

PUKmedia تایبه‌ت

ده‌قی وتاری مه‌سرور بارزانی له‌كاتی دوێندخواردن له‌په‌رله‌مانی كوردستان