ئەمڕۆ کۆتا رۆژى فێستیڤاڵە گەورەکەى سلێمانییە

کەناڵ8

فێستیڤاڵی سولی فێست لە هەواری شار بەڕێوەدەچێت

ئەمڕۆ هەینی 3ی 7ی 2026، فێستیڤاڵی "سولی فێست" کە گەورەترین فێستیڤاڵە لەسەر ئاستی عیراق و هەرێمی کوردستان، لە پارکی هەواری شاری سلێمانی بۆ کۆتا رۆژ بەڕێوەدەچێت و تا ئەمشەویش چالاکییەکانی بەردەوام دەبن، لە ماوەی هەشت رۆژی فێستیڤاڵەکەدا زیاتر لە 100 چالاکیی جۆراوجۆر پێشکەش دەکرێن.

فێستیڤاڵەکە تایبەتە بە خستنەڕووی کار و چالاکیی تەواوی کەلتوورە جیاوازەکان و داهێنانەکان، کە بە بەشداریی ژمارەیەک لە گەنجانی شاری سلێمانی، تەواوی هەرێمی کوردستان و عیراق، کۆمپانیا و بازرگانەکان بەڕێوەدەچێت، رۆژانە لە سەعات 4 ی ئێوارە بۆ 12ی شەو کار و چالاکییەکان پێشکەش کراون و ئەمڕۆش بە هەمان کات بەردەوام دەبێت.

ئامانجی سەرەکیی فێستیڤاڵی سولی فێست بۆ راکێشانی زۆرترین گەشتیارە بۆ شاری سلێمانی، کە چاوەڕوان دەکرێت زیاتر لە 500 هەزار کەس سەردانی فێستیڤاڵەکە بکەن.

هاوکات، فێستیڤاڵەکە بۆ چوار زۆنی سەرەکی دابەشکراوە، کە بریتین لە: زۆنی سەرەکی (170 کۆمپانیا)، زۆنی شانۆی رۆمانی بچووک، زۆنی منداڵان و زۆنی شەقامەکە، کۆی گشتی 270 کۆمپانیا و براند لە تەواوی زۆنەکاندا بەشدارن.

لە ماوەی هەشت رۆژى فێستیڤاڵدا زیاتر لە 100 چالاکیی جۆراوجۆر لە بوارەکانی تەندروستی، وەرزشی، کولتووری، پەروەردەیی، رۆشنبیری و خێزانی پێشکەش دەکرێن.

PUKMEDIA