به‌وێنه‌ .. شه‌ڕڤانان تۆڵه‌ی شه‌هیده‌كان ده‌كه‌نه‌وه‌

.

شه‌ڕڤانانی یه‌په‌گه‌ و یه‌په‌ژه‌ له‌ناوچه‌ی عه‌فرین و له‌ شارۆچكه‌ی ته‌لڕه‌فعه‌ت هێرشێكی فراوانی هاوپه‌یمانی عه‌ره‌بی ، كه‌ چه‌ند گروپێكی توندڕه‌و وه‌ك نوسڕه‌و ئه‌حرار ئه‌لشامی تێدایه‌ تێكده‌شكێنن و به‌ده‌یان تیرۆرست ده‌كوژن .

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند:شه‌ڕڤانانی یه‌په‌گه‌ و یه‌په‌ژه‌ له‌ماوه‌ی 24 سه‌عاتی رابردوودا گه‌وره‌ترین هێرشی تیرۆرستانی  به‌ناو هاوپه‌یمانی عه‌ره‌بی كه‌له‌لایه‌ن ژماره‌یه‌ك گروپی چه‌كداری توندڕه‌وه‌ سه‌رپه‌رشتی ده‌كرێن وه‌ك به‌ره‌ی نوسڕه‌و ئه‌حرار ئه‌لشام له‌ناوچه‌ی ته‌لڕه‌فعه‌تی سه‌ر به‌عزاز تێكشكاندوه‌.

وتیشی: زیاتر له‌ 80 تیرۆرست كوژراون و لاشه‌ی 60 یان به‌جێماوه‌و زیاتر له‌ 20 چه‌كداریش به‌دیلگیراون .

رونیشكرده‌وه‌،ئه‌مه‌ جگه‌ له‌وه‌ی ده‌ستبه‌سه‌ر سه‌دان جۆری چه‌ك و كه‌ره‌سته‌ی جه‌نگی گیراوه‌ .

PUKmedia سامان یاروه‌یس