پرسەنامە و هاوخەمییەکان بۆکۆچی دوایی فەیسەڵ کەتۆ ئاغا

PUKMEDIA

حاجی فەیسەڵ کەتۆ

پەیام و هاوخەمییەکان بۆ کۆچی دوایی حاجی فەیسەڵ کەتۆ ئاغا کەسایەتی دیارو ناسراوی بادینان و تێکۆشەری دێرین .

هاوخەمی سەرۆک بافڵ..

بنەماڵەی سەربەرزی هەڤاڵ فەیسەڵ کەتۆ ئاغا 

بە داخ و خەمێکی زۆرەوە، هەواڵی کۆچی دوایی هەڤاڵی تێکۆشەر فەیسەڵ کەتۆ ئاغا، نوێنەری پێشووی سەرۆک مام جەلال لە بادینان و برای شەهیدی سەنگەر ئەسعەد کەتۆمان پێگەیشت. 

بۆ ئەم خەمە پرسە و سەرەخۆشی قووڵی خۆمان ئاڕاستەی کەسوکار و بنەماڵە سەربەرزەکەیان دەکەین کە نموونەیەکی باڵان لە خەبات و تێکۆشانی گەلەکەمان. 

بۆ ئەم ماتەمە هاوبەشی خەمتانین، لە خوای گەورە داواکارین گیانی کۆچکردوو بە بەهەشتی بەرین شادبکات، ئارامی و سەبووری بە هەموو لایەک ببەخشێت. 

بافڵ جەلال تاڵەبانی 
سەرۆکی یەکێتیی نیشتمانیی کوردستان

دەقی پەیامی کۆسرەت رەسوڵ..

بەڕێزان خانەوادەو کەسوکاری حاجی فەیسەڵ کەتۆ

بەداخێکی زۆرەوە هەواڵی کۆچی دوایی کەسایەتی دیارو ناسراوی بادینان و تێکۆشەری دێرین (حاجی فەیسەڵ کەتۆ)م بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆم ئاراستەی ئێوەو ئەندامانی خانەوادە تێکۆشەرەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

براتان
کۆسرەت رەسوڵ عەلی

PUKMEDIA