ژووان سابر: لەژێر چاودێریی قوباد تاڵەبانی پڕۆژەى زانکۆى سەوز جێبەجێدەکرێت

نوسینگەى راگەیاندن

وێنەیەکى کۆبوونەوەکە

ژووان سابر سەرۆکی دەستەی گەشتوگوزار لەگەڵ د.محەمەد حەسیب سەرۆکی زانکۆی کۆیە سەبارەت بە هێڵە گشتییەکانی پڕۆژەی "زانکۆی سەوز" Green University  کۆبوونەوە و پڕۆژەکە لەژێر چاودێریی راستەوخۆی قوباد تاڵەبانی جێگری سەرۆکی حکومەتی هەرێمی کوردستان ئەنجام دەدرێت.

ژووان سابر سەرۆکی دەستەی گەشتوگوزار رایگەیاند: لەگەڵ د.محەمەد حەسیب سەرۆکی زانکۆی کۆیە سەبارەت بە هێڵە گشتییەکانی پڕۆژەی "زانکۆی سەوز" Green University، کە پڕۆژەیەکی پێشەنگ و داهێنەرانەیە بۆ پەرەپێدانی ژینگەیی و زانستی لە هەرێمی کوردستان کۆبووینەوە و گفتوگۆیەکی بەپێزمان ئەنجامدا.

راشیگەیاند: ئەم پڕۆژە نیشتمانییە گرنگە لە ژێر چاودێریی راستەوخۆی قوباد تاڵەبانی، جێگری سەرۆکی حکومەتی هەرێمی کوردستان ئەنجام دەدرێت، ئەمەش نیشانەی بایەخدانی قووڵی سەرکردایەتی سیاسییە بە چەسپاندنی بنەماکانی گەشەپێدانی بەردەوام و پاراستنی ژینگە لە پاڵ بەرزکردنەوەی ئاستی ئەکادیمی و کلتوریدا.

ئەوەشى خستووەتەڕوو: لە میانی دیدارەکەماندا، جەختمان لەسەر گرنگیی رەنگدانەوەی ئەم پرۆژە کرد لەسەر کەرتی گەشتیاریی کلتوری و زانستی، وەک قۆناغی دووەمی پرۆژەکە کار لەسەر گەشتیاری پەروەردەیی سەوز (Green Educational Tourism)دەکرێت، بە شێوازێک کە هاوتەریب بێت لەگەڵ دیدگای نوێی ئێمە بۆ پێشاندانی ناسنامەیەکی مۆدێرن و ژینگەدۆست بۆ هەرێمی کوردستان.

PUKMEDIA