تۆم باراک دەگاتە بەغداد و پشتگیریی واشنتن بۆ حکومەتی نوێی عیراق دووپاتدەکاتەوە

PUKMEDIA

تۆم باراک و جۆشوا هاریس

ئەمڕۆ دووشەممە 15ی حوزەیرانی 2026، تۆم باراک نێردەی تایبەتی سەرۆکایەتی ئەمریکا بۆ عیراق و سووریا، گەیشتە بەغدادی پایتەخت.

هاوکات تۆم باراک لە ڕاگەیەندراوێکدا خۆشحاڵی خۆی بۆ سەردانەکەی دەربڕی و ڕایگەیاند: "خۆشحاڵ و سەربەرزم کە دووبارە گەڕاومەتەوە بۆ بەغداد، بەمەبەستی کۆبوونەوە لەگەڵ تیمی لێهاتووی باڵیۆزخانەی ئەمریکا بە سەرۆکایەتی جۆشوا هاریس کاربەڕێکەری باڵیۆزخانەکە."

نێردەی سەرۆکایەتی ئەمریکا ئاماژەی بە کارنامەی سەردانەکەشی کرد و رایگەیاند: "ئەمڕۆ لەگەڵ عەلی زەیدی سەرۆک وەزیرانی عیراق کۆدەبمەوە، بۆ گەیاندنی پەیامی پشتگیریی سەرۆک ترامپ بۆ حکومەتەکەی، هەروەها بۆ تاوتێکردنی هاوبەشیی نێوانمان لەسەر ڕێڕەوێکی نوێ بە ئاڕاستەی دروستکردنی پەیوەندییەکی بەهێز و بەرهەمدار لەنێوان ئەمریکا و عیراقدا کە بەرژەوەندی هەردوولای تێدا بێت."

PUKMEDIA