بازاڕی سەوزە و میوەی سلێمانی لە رۆژانی جەژندا کراوە دەبێت

PUKMEDIA

بازاڕی میوە و سەوزە

بەرهەمێکی زۆر لە بازاڕی سه‌وزه‌ و میوه‌ی سلێمانیدا هەیە و سه‌رۆکی سه‌ندیکای عه‌لوه‌ی سلێمانیش رایدەگەیەنێت: لە سبەینێوە عه‌لوه‌ی سلێمانی دەکرێته‌وه‌ و  ڕۆژانی هەینی و جەژنیش بە بەردەوامی کراوە دەبن.
 
سه‌روه‌ر عه‌لی سه‌رۆکی سه‌ندیکای عه‌لوه‌ی سلێمانی ڕایگه‌یاند: به‌هۆی پێگه‌یشتنی به‌رهه‌می خۆماڵی، ڕۆژانی جه‌ژن عه‌لوه‌ به‌ ته‌واوه‌تی داناناخرێت.

لە بارەی کارکردنیشیان لە رۆژانی هەینی و جەژندا، سه‌رۆکی سه‌ندیکای عه‌لوه‌ی سلێمانی رایگەیاند: لە رۆژی هەینی کە سێیەم رۆژی جەژن دەکات، بازاڕی سه‌وزه‌ و میوه‌ به‌ کراوه‌یی ده‌مێنێته‌وه‌، له‌ کاتێکدا له‌ ساڵانی ڕابردوودا له‌و ڕۆژه‌دا داده‌خرا.

ئەمەش لەکاتێکدایە، پێشتر بەهۆی داخستنی گەرووی هورمزەوە نرخی سەوزە و میوەکان لە بازاڕ بەرزبوونەوەیان بەخۆیانەوە بینیبوو، بەڵام ئێستا بەهۆی پێگەیشتنی بەرهەمی خۆماڵییەوە نرخەکان روویان لە دابەزین کردووە.

PUKMEDIA