riklam

ئاڵۆزییەکانی رۆژهەڵاتی ناوەڕاست نرخی نەوت بەرز دەکاتەوە

جیهان 10:03 AM - 2026-06-03
نرخی نەوت لە جیهان PUKMEDIA

نرخی نەوت لە جیهان

نرخی نەوت

نرخی نەوت لە بازاڕەکانی جیهاندا رووی لە بەرزبوونەوەی زیاتر کرد، ئەمەش دوای توندبوونی گرژییەکان لە رۆژهەڵاتی ناوەڕاست و چەقبەستووی بەردەوامی گفتوگۆکانی نێوان ئەمریکا و ئێران.

لە دوایین مامەڵەکاندا، نرخی بەرمیلێک نەوتی خاوی برێنت بە ڕێژەی 1.5% بەرزبووەوە و گەیشتە 97 دۆلارو 46 سەنت، هاوکات نرخی بەرمیلێک نەوتی خاوی تەکساسی ئەمریکی (WTI) بە ڕێژەی 1.6% رووی لە بەرزبونەوە کرد و گەیشتە 95 دۆلارو 23 سەنت بۆ هەر بەرمیلێک.

جگە لە هۆکارە سیاسییەکان و هێرشە سەربازییەکانی ئەم دواییە لە ناوچەکە، بڵاوبوونەوەی راپۆرتی پەیمانگای نەوتی ئەمریکیش بووە پاڵنەرێکی بەهێز بۆ بەرزبونەوەی نرخەکان، بەپێی راپۆرتەکە، کۆگاكانی نەوتی خاوی ئەمریکا بە بڕی 6.8 ملیۆن بەرمیل دابەزیون، کە ئەمەش زۆر زیاتر بوو لەو بڕەی پێشبینی دەکرا، ئێستاش وەبەرهێنەران چاوەڕێی بڵاوبوونەوەی ئامارە رەسمییەکانی حکومەتی ئەمریکا و چەند پێوەرێکی ئابووری گرنگ دەکەن کە بڕیارە هەر ئەمڕۆ بڵاوبکرێنەوە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket