قوباد تاڵەبانی بۆ نامۆ: دەبیتە پاڵەوانی ئەفسانەیی سەردەم

ئەرشیف

قوباد تاڵەبانی و نامۆ

قوباد تاڵەبانی، جێگری سەرۆكوەزیرانی هەرێم، لەپەیامێكدا دەڵێت: نامۆ چیتر پاڵەوانێكی ئاسایی نییە، بەڵكو نوێنەرایەتی ئیرادەو رەوشتی گەلێك دەكات و خەریكە دەبێتە پاڵەوانی ئەفسانەیی سەردەم.
دەقی پەیامەكە:

خۆی دەڵێت ورەی لە ئازایەتی و نەبەردیی پێشمەرگە وەرگرتووە. بەڵێ پاڵەوانەكانمان ورە و وزە بە یەكتر دەبەخشن.

تەنیا داواكاریم لە نامۆ ئەوەیە: تۆ چیتر تەنها پاڵەوانێكی ئاسایی نیت، بەڵكو نوێنەرایەتیی ئیرادە و هێز و رەوشتی گەلەكەت دەكەیت لە گۆڕەپانە نێودەوڵەتییەكاندا و خەریكە دەبیتە پاڵەوانی ئەفسانەیی سەردەمەكەمان. 

پاڵەوانە مەزنەكان رەنگە لە یارییەكدا بدۆڕێن، بەڵام هەرگیز رەوشتی پاڵەوانێتی نادۆڕێنن و پارێزگاری لە بەها بەرزەكانی گەلەكەیان دەكەن. تكایە ببە بەو پاڵەوانە ئەفسانەییە.

PUKMEDIA