حەج و عومرەی کوردستان: نزیکەی چوار هەزار هاووڵاتی گەیشتونەتە سعودیە

میدیاکان

حاجیانی هەرێمی کوردستان

بەڕێوەبەرایەتی حەج و عومرەی کوردستان بڵاویکردوەتەوە، پرۆسەی چوونی هاووڵاتیانی هەرێمی کوردستان بە مەبەستی بەجێهێنانی فەریزەی حەج، بەردەوامە و تا ئێستا نزیکەی چوار هەزار هاووڵاتی گەیشتونەتە سعودیە.

کاروان ستونی، وتەبێژی فەرمی حەج و عومرەی کوردستان رایگەیاند، تاوەکو ئەمڕۆ 15ی5ی2026، نزیکەی چوار هەزار هاووڵاتیی هەرێم بە سەلامەتی گەیشتوونەتە وڵاتی سعودیە و لە شاری مەککە نیشتەجێ کراون.

کاروان ستونی ئاماژەی بەوەشکردووە، باری تەندروستی هەموو حاجیان جێگیرە و گەشتە ئاسمانییەکانیش بەپێی ئەو خشتەیەی بۆیان دانراوە بەبێ گرفت بەڕێوەدەچن.

راشیگەیاند، بڕیارە تاوەکو رۆژی 17ی5ی2026،دوا کاروانی هاووڵاتیانی هەرێم بگەنە سعودییە بە مەبەستی بەجێهێنانی فەریزەی حەج.

لە رووی خزمەتگوزاریی و پێداویستییەکانەوە، وتەبێژی حەج و عومرە جەختی کردوەتەوە، باشترین ئاسانکاری و خزمەتگوزاری لە هەموو روەکانەوە بە خواردنیشەوە پێشکەش بەو هاووڵاتیانە دەکرێت.

PUKMEDIA