مەكتەبی سیاسی: بەرگری لە مافی سەرجەم مامۆستایان دەکەین

PUKMEDIA

لۆگۆی یەکێتيی نیشتمانیی كوردستان

مەكتەبی سیاسی یەكێتیی نیشتمانیی كوردستان، لە یادی 64 ساڵەی دامەزراندنی یەكێتی مامۆستایانی كوردستاندا ، پیرۆزبایی لە سەرۆك و ئەندامانی سكرتاریەتی یەكێتی مامۆستایان دەكات و دووپاتیشی دەکاتەوە، کە بەرگری لە مافەكانی سەرجەم مامۆستایان دەکەن لە دەستەبەركردنی ژیانێكی شایستە بۆیان ، تاوەكو بە هەموان چرای زانستی بە ڕۆشنی بهێڵینەوە.

دەقی پەیامەکەی مەکتەبی سیاسی:

لە یادی شەست و چوار ساڵەی دامەزراندنی یەكێتی مامۆستایانی كوردستاندا ، پیرۆزباییەكی گەرم ئاراستەی سەرۆك و ئەندامانی سكرتاریەتی یەكێتی مامۆستایان دەكەین

یەكێتی مامۆستایانی كوردستان بەدرێژایی ساڵانی خەباتی ،بۆ گەشەپێدان و بەرزكردنەوەی ئاستی زانستیی مامۆستایان لە بواری پەروەردە و فێركردن و زانستی سەردەمدا رۆڵێكی بەرچاو و گرنگی بینیوە لە پێناو پێگەیاندنی نەوەیەكی هۆشیار و داهێنەردا

هەر لەم یادەدا پشتیوانی خۆمان دووپاتدەكەینەوە بۆ برەودان و سەرخستنی ئەركەكانی یەكێتی مامۆستایان و بەرگریكردن لە مافەكانی سەرجەم مامۆستایان لە دەستەبەركردنی ژیانێكی شایستە بۆیان ، تاوەكو بە هەموان چرای زانستی بە ڕۆشنی بهێڵینەوە .

مەكتەبی سیاسی
یەكێتیی نیشتمانیی كوردستان

PUKMEDIA