سەرۆککۆمار: پاڵپشتی دەسەڵاتی دادوەری دەکەین

راگەیاندنی سەرۆککۆمار

نزار ئامێدی و دادوەر فایەق زێدان

نزار ئامێدی سەرۆککۆماری عیراق، ئەمڕۆ دووشەممە 11ی ئایار 2026 لە بەغداد، چاوی کەوت بە دادوەر فایەق زێدان، سەرۆکی ئەنجومەنی باڵای دادوەری.

لەمیانی دیدارەکەدا باسیان لەبارودۆخی گشتی وڵات کرد و جەختیان لە گرنگی پاراستنی سەربەخۆیی دەسەڵاتی دادوەری و سەروەری یاسا کردەوە و سەرۆککۆمار ئاماژەی بەپابەندبوونی سەرۆکایەتی کۆمار کرد بە پاڵپشتیکردنی دەسەڵاتی دادوەری و هاوکاریکردنی لەبەجێگەیاندنی ئەرکە دەستوورییەکانی بەشێوەیەک کە بنەماکانی دادپەروەری پتەوتر بکات و مافی هاووڵاتیان بپارێزرێت.

لەلای خۆیەوە، فایەق زێدان، سوپاس و پێزانینی خۆی بۆ رێنماییە بەنرخەکانی سەرۆککۆمار دەربڕی و پابەندبوونی ئەنجومەنی باڵای دادوەری دووپاتکردەوە بۆ بەردەوامبوون لەڕاپەڕاندنی ئەرکەکانی بە پیشەیی وسەربەخۆیی لەخزمەتی رەوتی دادپەروەری و سەروەری یاسادا.

PUKMEDIA