قوباد تاڵەبانی بەردی بناغەی ئەكادیمیای پارائۆڵۆمپیی دادەنێت

نوسینگەى راگەیاندنى قوباد تاڵەبانى

قوباد تاڵەبانی، جێگری سەرۆكوەزیرانی هەرێم

قوباد تاڵەبانی، بەردی بناغەی ئەكادیمیای پارائۆڵۆمپیی دانا، كەپڕۆژەیەكی نوێیە بۆ وەرزشوانانی پارائۆڵۆمپی و رایگەیاند: شانازی بە ئیرادەی وەرزشوانانی خاوەن پێداویستی تایبەتەوە دەكەین.

ئەمڕۆ 11ی 5ی 2026،  قوباد تاڵەبانی، جێگری سەرۆكوەزیرانی هەرێم، رایگەیاند: دروستكردنی ژێرخانێكی وەرزشیی باش، مافێكی سەرەتایی كەمئەندامان و خاوەن پێداویستییە تایبەتەكانە، شانازی دەكەین لەم چەند ساڵەی دواییدا لەسلێمانی گرنگییەكی تایبەت ب وەرزشی ئەم توێژە ئازیزە دەدەین و هەنگاوی باشمان ناوە. 

ئاماژەی بەوەشكرد: بەخۆشحاڵییەوە بەردی بناغەی ئەكادیمیای پارائۆڵۆمپیی نیشانەشكێنیمان دانا، ئەم ئەكادیمیاییە پڕۆژەیەكی گرنگە بۆ پێشخستنی وەرزشی پارائۆڵۆمپیی كوردستان، هەروەها زۆر دڵخۆش بووم بە سەیركردنی یاریی دۆستانەی نێوان هەردوو تیپی تۆپی پێی داونی خۆرو مانگی یانەی رۆژ. سەرسام بووم بە ئاست و ئیرادەی یاریزانەكان.

راشیگەیاند: زۆر سوپاسی هەموو ئەو ئازیزانە دەكەم لەلیژنەی پارائۆڵۆمپی و یانەی رۆژو لایەنە پەیوەندیدارەكانی دیكە كە بەوپەڕی خەمخۆرییەوە هەوڵی پێشخستنی وەرزشی پارائۆڵۆمپیی كوردستان دەدەن.

PUKMEDIA