پەرلەمانتارانی یەکێتی بەدواداچوون بۆ کێشەکانی چەمچەماڵ و بازیان دەکات

تایبەت

پەرلەمانتاران و جێگری پارێزگاری سلێمانی

ئەمڕۆ 10ی5ی2026، هەڵمەت هۆشیار ئەندامی پەرلەمانی کوردستان لە فراکسیۆنی یەکێتی لەگەڵ پەرلەمانتاران جوانڕۆ محەمەد و سەرخێڵ نەجمەدین، لەگەڵ شاهۆ عوسمان جێگری پارێزگاری سلێمانی کۆبوونەوە و تیایدا بەدواداچونیان بۆ چارەسەری بابەتی ئیداری و خزمەتگوزارییەکانی بازیان و چەمچەماڵ کرد.

کۆبوونەوەکە، تایبەت بوو بە چارەسەری پرسە ئیدارییەکانی پەیوەست بە سنوری هەردوو قەزای بازیان و چەمچەماڵ.

بەدواداچوونی ئەو پەرلەمانتارانە لە درێژەی زنجیرەیەک بەدواداچونی بەردەوامدایە بە گرفتی سەرجەم ناوچەکان و هاوکات جێگری پارێزگاری سلێمانی بەڵێنی بەجێگەیاندنی داواکانی دا.

PUKMEDIA