riklam

ئه‌نجومه‌نی نوێنه‌ران بۆ تاوتوێی چه‌ند پرۆژه‌یاسایه‌ك كۆده‌بێته‌وه‌

عیراق 11:26 AM - 2026-05-06
دانیشتنی پێشووی ئەنجومەنی نوێنەرانی عیراق راگەیاندنی ئەنجومەنی نوێنەران

دانیشتنی پێشووی ئەنجومەنی نوێنەرانی عیراق

ئەنجومەنی نوێنەران

بڕ‌یاره‌ ئه‌مڕ‌ۆ چوارشه‌ممه‌ 23هه‌مین دانیشتنی ئاسایی ئه‌نجومه‌نی نوێنه‌ران سازبكرێت و له‌كۆبوونه‌وه‌كه‌دا تاوتوێی چه‌ند پرۆژه‌یاسایه‌ك بكرێت.

به‌پێی راگه‌یه‌ندراوێكی راگه‌یاندنی ئه‌نجومه‌نی نوێنه‌رانی عیراق كه‌ كۆپیه‌كی بۆ PUKMEDIA نێدراوه‌، له‌دانیشتنی ئه‌مڕ‌ۆدا خوێندنه‌وه‌ی یه‌كه‌م بۆ پرۆژه‌ی یاسای ته‌ندروستی ده‌روونی ده‌كرێت، كه‌ له‌لایه‌ن لیژنه‌ی ته‌ندروستی و بەگژداچوونەوەی مادده‌ هۆشبه‌ره‌كانه‌وه‌ پێشكه‌ش كراوه‌ .

هه‌روه‌ها له‌دانیشتنه‌كه‌دا خوێندنه‌وه‌ی یه‌كه‌میش بۆ ره‌شنووسی هه‌موواركردنه‌وه‌ی یاسای كاری ژماره‌ 37ی ساڵی 2015 ده‌كرێت، كه‌ له‌لایه‌ن لیژنه‌كانی كار، رێكخراوه‌كانی كۆمه‌ڵگه‌ی مه‌ده‌نی، خزمه‌تگوزاریی گشتیی فیدراڵی، لاوان و وه‌رزش و لیژنه‌كانی رۆشنبیری و گه‌شتوگوزار پێشكه‌شكراوه‌.

هاوكات له‌ دانیشتنه‌كه‌دا خوێندنه‌وه‌ی یه‌كه‌م بۆ ڕ‌ه‌شنووسی یاسای دامه‌زراندنی زانكۆی عیراقی بۆ زانسته‌ ئه‌منییه‌كان، كه‌ له‌لایه‌ن لیژنه‌ی ئاسایش و به‌رگرییه‌وه‌ پێشكه‌ش كراوه‌، ده‌كرێت.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket