نەتەوە یەکگرتووەکان: ژنانی ڕۆژهەڵاتی ناوەڕاست لە دۆخێکی کارەساتباردان

ئاژانسەکان

جەنگ لە رۆژهەڵاتی ناوەڕاست

ناوەندی ژنانی نەتەوە یەکگرتووەکان لە راپۆرتێکی نوێدا هۆشداری دەدات لە داڕمانی سیستەمی تەندروستی و پاراستنی ژنان لە رۆژهەڵاتی ناوەڕاست.

بەپێی راپۆرتەکە، لە دوای دەستپێکردنی گرژییە سەربازییەکانی شوباتی 2026، هەزاران ژن بوونەتە قوربانی؛ تەنها لە ئێران و لوبنان نزیکەی 800 ژن کوژراون و پتر لە دوو ملیۆن ژنی دیکەش ئاوارە بوون.

راپۆرتەکە ئاماژە بەوە دەکات کە زیاتر لە 24 ملیۆن ژن لە عێراق، فەلەستین، سوریا و یەمەن بەدەست نائاسایشی خۆراکەوە دەناڵێنن, هەروەها جەخت کراوەتەوە کە پەککەوتنی دابینکردنی سووتەمەنی و پێداویستییەکان لە گەرووی هورمز، باری گوزەرانی قورستر کردووە و مەترسییەکی جدی لەسەر ژیانی ژنان و منداڵانی ناوچەکە دروست کردووە.

PUKMEDIA