سەرۆك بافڵ: یارمەتیدەرو پشتیوانی سەرۆكوەزیرانی راسپێردراو دەبین

PUKMEDIA

بافڵ جەلال تاڵەبانی، سەرۆكی یەكێتیی نیشتمانیی كوردستان

بافڵ جەلال تاڵەبانی، سەرۆكی یەكێتیی نیشتمانیی كوردستان، بەبۆنەی راسپاردنی عەلی زەیدی وەك سەرۆكوەزیرانی عیراق، پەیامێكی پیرۆزبایی بڵاوكردەوەو رایگەیاند: یارمەتیدەری دەبین سەركەوتووبێت و پشتیوانی لەحكومەتی نوێ دەكەین و بەردەوام دەبین لە هەوڵەكانمان بۆ بەهێزكردنی هەماهەنگییەكان بۆ بەرژەوەندیی گەلەكەمان.

دەقی پەیامەكە:

پیرۆزبایی خۆمان ئاڕاستەی بەڕێز عەلی زەیدی دەكەین بەبۆنەی راسپاردنیان وەك سەرۆكوەزیرانی عیراق.

هیوای باشترین بۆ بەڕێزیان دەخوازین لەم ئەركە گرنگەدا. یارمەتیدەری دەبین سەركەوتووبێت لە پێكهێنانی حكومەتێكی بەتوانا و گشتگیر و هاوكاری ئەو حكومەتە دەبین تا عیراق لەو قەیرانە ئابووری و ئەمنییانە دەرباز بكات كە ڕووبەڕووی بووەتەوە.

پشتیوانی لە حكومەتە نوێیەكە دەكەین و بەردەوام دەبین لە هەوڵەكانمان بۆ بەهێزكردنی هەماهەنگییەكان لە بەرژەوەندیی گەلەكەماندا.

بافڵ جەلال تاڵەبانی
سەرۆكی یەكێتیی نیشتمانیی كوردستان

PUKMEDIA