وه‌فدێكى ناوه‌ندى یاسایی سه‌ردانى مه‌كته‌بى راگه‌یاندن و هۆشیاریان كرد

ناوه‌ندى یاسایی

سه‌ردانى وه‌فدێكى ناوه‌ندى یاسایی بۆ مه‌كته‌بى راگه‌یاندن وهۆشیاری

ئه‌مڕۆ 22ی4ی2026،عیماد ئه‌حمه‌د لێپرسراوى مه‌كته‌بى راگه‌یاندن و هۆشیارى، پێشوازیكرد له‌ وه‌فدێكى ناوه‌ندى یاسایی یەکێتیی نیشتمانیی کوردستان، كه‌ به‌مه‌به‌ستى پیرۆزبایی ساڵیادى رۆژنامه‌گه‌ریى كوردى سه‌ردانى مه‌كته‌بى راگه‌یاندن و هۆشیاریان كرد و چه‌پكه‌گوڵی پیرۆزباییان پێشكه‌شكرد.

له‌دیدارێكدا، عیماد ئه‌حمه‌د وێڕاى سوپاسكردنى ناوه‌ندى یاسایی، چه‌ند لایه‌نێكى میدیایی بۆ روونكردنه‌وه‌ به‌تایبه‌ت جه‌ختى له‌سه‌ر ئه‌وه‌ كرده‌وه‌ كه‌ پێویسته‌ میدیا، ره‌سه‌ن و راستگۆ بێت له‌گه‌یاندنى په‌یامه‌كانیدا، ئامانجى خزمه‌تكردنى كۆمه‌ڵانى خه‌ڵكى كوردستان بێت و دوور بێت له‌زانیارى ناڕاست و نادروست، كه‌ بۆ ئه‌مه‌ش میدیا به‌گشتى پێویسته‌ سه‌نگین بێت له‌ پێدانى زانیارى.

پاشان، وه‌فده‌كه‌ى ناوه‌ندى یاسایی، هه‌ر بۆ هه‌مان مه‌به‌ست سه‌ردانى له‌تیف نێروه‌یی لێپرسراوى بۆردى راگه‌یاندن-یان كرد و پیرۆزبایی ساڵیادى رۆژنامه‌گه‌رى كوردییان لێكرد.

لاى خۆشییه‌وه‌ له‌تیف نێروه‌یی وێڕاى پیرۆزبایی له‌ سه‌رجه‌م رۆژنامه‌نووسانى كوردستان و سوپاسكردنى وه‌فده‌كه‌، رایگه‌یاند بەداخەوە كاتێك ئه‌م یادە پیرۆزە بەرز رادەگرین دۆخی رۆژناگه‌رى کوردی لە قەیرانێکی دژواردایە و ساڵ لەدوای ساڵ میدیای نابەرپرسیار و چەواشەکار زیاتر خۆی نمایش دەکات .

PUKMEDIA