riklam

وەزارەتی ناوخۆ: نزیكەی شەش ملیۆن چەك لەبانكی نیشتمانی تۆماركراون

عیراق 04:36 PM - 2026-04-20
چەكی هەمەجۆر ميدياكان

چەكی هەمەجۆر

عيراق

ئەمڕ‌ۆ دووشەممە 20ی4ی 2026، وەزارەتی ناوخۆی حكومەتی فیدراڵی تۆماركردنی نزیكەی شەش ملیۆن چەكی هەمەجۆری لە بانكی چەكی نیشتمانی عیراق ر‌اگەیاند.

عەقید عەباس ئەلبەهدلی، وتەبێژی رەسمی وەزارەتەكە، لەڕاگەیەندراوێكدا كە كۆپییەكی بۆ PUKMEDIA نێردراوە ئاماژەی بەوەكردووە: پڕۆسەی ڕێكخستنی چەكی هەمەجۆر پێشكەوتنی بەرچاوی بەخۆیەوە بینیوە، بەجۆرێك 864 نووسینگەی تۆماركردن لە سەرتاسەری عیراق كاردەكەن و 310 هەزار داواكاری تۆماركردن وەرگیراون و جێبەجێكراون.

ئاماژەی بەوەشكردووە: ژمارەی ئەو چەكە هەمەجۆرانەی كە لەبانكی چەكی نیشتمانی عیراق ئەرشیفكراون گەیشتووەتە پێنج ملیۆن و 800 هەزار چەك كە هەموویان كۆدیان بۆ كراوەو دەستنیشانكراون.

ئاماژەی بەوەشكرد: ناونوسین لەڕ‌ێگەی داواكاریی عەین عیراق-ەوە ئەنجامدەدرێت، فۆڕ‌می تۆماركردنەكەش بەخۆڕ‌اییەو فەرمانگەكان هەموو ر‌ێكارەكان لەوەرگرتنی چەكی هەمەجۆر تا دەركردنی مۆڵەتەكە جێبەجێ دەكەن، هاوكات تۆماركردن تا 31ی كانوونی دووەمی 2026 بەردەوامدەبێت.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket