ڕفعەت عەبدوڵا پیرۆزبایی لەسەید عەممار حەكیم دەكات

PUKMEDIA

ڕفعەت عەبدوڵا، جێگری سەرۆكی یەكێتی و سەید عەممار حەكیم، سەرۆكی رەوتی حیكمە

ڕفعەت عەبدوڵا، جێگری سەرۆكی یەكێتیی نیشتیمانیی كوردستان، بەبۆنەی بەستنی سێیەمین كۆنگرەی گشتی و دووبارە هەڵبژاردنەوەی سەماحەتی سەید عەممار حەكیم، وەك سەرۆكی رەوتی حیكمەی نیشتمانی بۆ خولێكی نوێ، پەیامێكی پیرۆزبایی ئاڕاستەی سەید عەممار حەكیم دەكات كە ئەمە دەقەكەیەتی:

بەڕێز: سەماحەتی سەید عەمار حەكیم

بەبۆنەی كۆتایی هاتنی كارەكانی سێیەمین كۆنگرەی گشتی و هەڵبژاردنەوەتان بەسەرۆكی ڕەوتی حیكمەی نیشتمانی، پیرۆزبایی لەبەڕێزتان و لەڕێگەی ئێوەشەوە لەسەركردایەتی و تەواوی ئەندامانتان دەكەم و هیوای سەركەوتن و بەرەوپێشچوونی زیاترو بەردەوامیتان بۆ دەخوازم.

ئومێدەوارم ئەنجامی سەركەوتنی كۆنگرەكەتان هاندەری‌ زیاتربێت‌ بۆ تەبایی‌ و ڕووبەڕووبونەوەی ئاڵنگارییەكان و دۆزینەوەی چارەسەری ڕیشەیی گرفتەكان، پێزانینمان هەیە بۆ ڕۆڵی حەكیمانەو مێژویی جەنابت و بنەماڵەو هاوكارەكانت، لەسەقامگیری و ئاشتەوایی عیراقدا.

ئومێدی سەركەوتن و پتەوكردنی زیاتری پەیوەندییەكانمان هیوامانە.

ڕفعەت عەبدوڵا
جێگری سەرۆكی یەكێتیی نیشتیمانیی كوردستان

PUKMEDIA