وەزارەتی ناوخۆ: بە چوار درۆن هێرش کرایەوە سەر هەرێم

وەزارەتی ناوخۆ

لۆگۆی وەزارەتی ناوخۆ

ئەمڕۆ 14ی4ی2026، دوای ئاگربەستی جەنگی ئەمریکا و ئێران، هێرشکرایەوە سەر هەرێمی کوردستان و وەزارەتی ناوخۆش رایدەگەیەنێت: ئەمە دووەمجارە و لەچەند کاتێکی جیاوازدا، بە چوار درۆنی بۆمبڕێژکراو هێرش کرایەوە سەر هەرێمی کوردستان.

وەزارەتی ناوخۆی هەرێمی کوردستان، راگەیەندراوێکی لەسەر هێرشە درۆنییەکەی ئەمڕۆ بڵاوکردەوە و ئاماژەی بەوەکردووە: لە دوای ڕاگەیاندنی ئاگربەست لە نێوان ئەمریکا و ئێران، ئەوە بۆ جاری دووەمە بە درۆنی بۆمبڕێژکراو هێرش دەکرێتە سەر هەرێمی کوردستان.

لە بارەی هێرشەکەی ئەمڕۆ، وەزارەتی ناوخۆ، ئاشکرای کردووە: لە چەند کاتێکی جیاوازدا، بە چوار درۆنی بۆمبڕێژکراو هێرش کرایەوە سەر هەرێمی کوردستان.

لە کۆتایشدا، وەزارەتی ناوخۆ جەخت لە هەڵوێستی نەگۆڕی هەرێمی کوردستان دەکاتەوە کە بەشێک نەبووە لە شەڕ و داواش دەکات،چیتر سەقامگیری کوردستان و ئارامی هاووڵاتیان نەکرێنە ئامانج.

PUKMEDIA