سەرۆککۆمار: پەیوەندییەکانمان لەگەڵ ئەمریکا پتەوتر دەکەین

راگەیاندنی سەرۆککۆمار

دیداری سەرۆککۆمار لەگەڵ بەرپرسی کاروباری باڵیۆزخانەی ئەمریکا

 نزار ئامێدی سەرۆک کۆمار، ئەمڕۆ سێشەممە ١٤ی نیسان ٢٠٢٦. لە کۆشکی بەغداد، پێشوازیکرد لەبەرپرسی کاروباری باڵیۆزخانەی ئەمریکا، ، جوشوا هاریس، کەپیرۆزبایی وڵاتەکەی گەیاندە بەڕێزیان بەبۆنەی هەڵبژاردنی بەسەرۆک کۆمار و هیوای سەرکەوتنی بەردەوامی بۆ خواست لە بەجێگەیاندنی ئەرکە نیشتمانییەکانیدا.

سەرۆک کۆمار سوپاس و پێزانینی خۆی بۆ پیرۆزباییەکە دەربڕی و جەختی لەپابەندبوونی خۆی کردەوە بەپتەوکردنی پەیوەندییەکان وهاوکاری دۆستایەتی نێوان هەردوو وڵات بە شێوەیەک کە خزمەت بە بەرژەوەندییە هاوبەشەکان بکات و بەشداربێت لە گەیشتن بەسەقامگیری و گەشەپێدان و پەرەپێدانی هاوبەشی نێوان هەردوولا بەرز بکاتەوە، هەروەها پاڵپشتی دەستپێشخەرییەکانی گەشەپێدان بکات.

هەر لەدیدارەکەدا پێداچوونەوە بەدوایین پێشهاتەکانی ناوچەکە کرا، کە تیایدا جەخت لە گرنگی کەمکردنەوەی پەرەسەندنی ئاڵۆزی لەناوچەکەدا کرایەوە، لەگەڵ گرتنەبەری دیالۆگ وەک بنەمایەکی بنەڕەتی بۆ ڕووبەڕووبوونەوەی قەیرانەکان، بەمەبەستی دەستەبەرکردنی ئاسایش و سەقامگیری و چەسپاندنی ئاشتی نێودەوڵەتی.

PUKMEDIA