سەرۆککۆمار و سەرۆکوەزیران: پەلە بکرێت لەپێکهێنانی حکومەت

نوسینگەی رۆژنامەوانی سەرۆککۆماری عیراق

نزار ئامێدی سەرۆککۆماری عیراق و سودانی سەرۆکوەزیرانی عیراق

 نزار ئامێدی سەرۆک کۆماری عیراق  پێشوازیکرد لە محەممەد شیاع سودانی سەرۆک وەزیرانی عیراق و لەکۆبوونەوەیەکدا جەختیان لەپێکهێنانی حکومەتی نوێی عیراق کردەوە. 

لە میانی دیدارەکەدا ، کە ئەمڕۆ دووشەممە 13-4-2026، لە کۆشکی بەغداد بەڕێوەچوو، هەردولا باسیان لە بارودۆخی گشتی وڵاتکرد ستایشی ڕۆڵی هێزە نیشتمانییەکانیان کرد  لە کارئاسانیکردنیان  لەپرۆسەی هەڵبژاردنی سەرۆک کۆمار . هەروەها جەختیانکردەوو لە گرنگی جێبەجێکردنی مەرجە دەستوورییەکان و پێویستی یەکلاکردنەوەی کاندیدێک لەلایەن گەورەترین کوتلەی پەرلەمانی بۆ پۆستی سەرۆک وەزیران و پێویستی پەلەکردن لە پێکهێنانی حکومەتێکی نیشتمانی کە نوێنەرایەتی هەموو عێراقییەکان بکات و کاربکات بۆ هێناندی خواستەکان بۆ ژیانێکی شکۆمەندانە و سەقامگیری و گەشەسەندوو.

هەردوولا جەختیانکردەوە لە گرنگی هەوڵی هاوبەش بۆ ڕووبەڕوبوونەوەی ئاستەنگەکانی ئێستا و بەهێزکردنی ڕێڕەوی دەوڵەت بە شێوەیەک کە خزمەت بە بەرژەوەندیی گەلی عیراق بکات و سەروەری وڵاتەکەی بپارێزێت.

هەر لە دیدارەکەدا باس لە پێشهاتی سەر ئاستی ئیقلیمی و نێودەوڵەتی کرا، لەو روەوە سەرۆک کۆمار و سەرۆک وەزیران جەختیانکردەوە لەسەر پێویستی راگرتنی پەرەسەندنەکان و پەنابردن بۆ دیالۆگ وەک ئامرازێک بۆ چارەسەرکردنی ناکۆکیەکان، بەمەبەستی پشتیوانیکردن لە بەدیهێنانی ئاسایش و ئارامی و سەقامگیری بۆ گەلانی ناوچەکە.

PUKMEDIA