سەرۆک بافڵ پێزانینی بۆ رۆڵی د.لەتیف رەشید دەربڕی

نوسینگەى رۆژنامەوانى سەرۆک بافڵ

بافڵ جەلال تاڵەبانی، سەرۆکی یەکێتیی نیشتمانیی کوردستان و د.لەتیف رەشید، سەرۆککۆماری پێشووی عیراق

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد سەردانی د.لەتیف رەشید، سەرۆککۆماری پێشووی عیراقی کرد.

لە دیدارێکدا کە قوباد تاڵەبانی و دەرباز کۆسرەت رەسوڵ، ئەندامانی مەکتەبی سیاسی ئامادەبوون، سەرۆک بافڵ پێزانینی دەربڕی بۆ رۆڵ و پێگەی د. لەتیف رەشید کە لە ماوەی بەرپرسیارێتی و ئەرکەکانیدا دڵسۆزانە خزمەتی گەل و ئامانجە باڵاکانی کردووە و هیوای سەرکەوتنی بۆ خواست.

لە کۆبوونەوەکەدا بە ناوی یەکێتیی نیشتمانیی کوردستانەوە سوپاسی خزمەت و خەمخۆرییەکانی د. لەتیف رەشید کرا کە هەمیشە هەوڵەکانی بۆ چارەسەرکردنی کێشەکان بووە.

PUKMEDIA