ئەنجومەنی نوێنەران بۆ سێ تەوەر کۆدەبێتەوە

PUKMEDIA

ئەنجومەنی نوێنەرانی عیراق

بڕیارە سبەینێ 8ی4ی2026، ئەنجومەنی نوێنەرانی عیراق، کۆبوونەوەی ئاسایی خۆی ئەنجامبدات و دەنگ بە لیژنە هەمیشەییەکان بدات و خوێندنەوەی یەکەمیش بۆ هەمواری یاسای فڕۆکەوانی و  پرۆژە یاسای پارێزگاکان بکات.

فەرمانگەی راگەیاندنی ئەنجومەنی نوێنەران، کارنامەی دانیشتنەکەی بڵاوکردەوە، کە سێ تەوەر لەخۆ دەگرێت، تەوەری یەکەم تایبەت دەبێت، بە دەنگدان بە ئەندامانی لیژنە هەمیشەییەکان، کە تاوەکو ئێستا 13 لیژنە هەڵبژێردراون.

هاوکات، لە تەوەری دووەمدا، خوێندنەوەی یەکەم بۆ هەمواری پێنجەمی یاسای فڕۆکەوانی شارستانی ژمارە 148ی ساڵی 1974 دەکرێت.

 هەر لە دانیشتنەکەدا، خوێندنەوەی یەکەم بۆ پڕۆژە یاسای پارێزگاکانی دەرەوەی هەرێمی کوردستان دەکرێت.

PUKMEDIA