حەلبووسی: کۆبوونەوەی هەڵبژاردنی سەرۆککۆمار لە وادەی خۆیدا ئەنجام دەدرێت

راگەیاندنی ئەنجومەنی نوێنەران

دانیشنی پێشووی ئەنجومەنی نوێنەران

بڕیارە ڕۆژی شەممەی داهاتوو، ئەنجومەنی نوێنەرانی عیراق کۆبوونەوەی ئاسایی خۆی ئەنجام بدات و تێیدا سەرۆککۆماری عیراق هەڵبژێردرێت.

هەیبەت حەلبووسی سەرۆکی ئەنجومەنی نوێنەرانی عیراق رایگەیاند: کۆبوونەوەی ئەنجومەنی نوێنەرانی عیراق بۆ هەڵبژاردنی سەرۆککۆمار لە ڕۆژی شەممە 11ی نیسانی 2026 لەوادەی دیاریکراوی خۆیدا، ئەنجام دەدرێت.

 سەرۆکی ئەنجومەنی نوێنەرانی عیراق جەختیشی لە گرنگیی تەواوکردنی ئەم شایستە دەستوورییە و کۆتاییهێنان بە چەقبەستوویی سیاسی کردەوە، بەتایبەت لە سایەی ئەو بارودۆخە ئەمنیی و ئابوورییەی وڵات پێیدا تێپەڕ دەبێت.
پێشتر سەرۆکایەتی ئەنجومەنی نوێنەران ڕۆژی شەممەی وەک وادەی کۆبوونەوەکە دیاریکردبوو و داوای لە سەرکردەی لایەنە سیاسییەکان کردبوو بەرپرسیارێتیی خۆیان لە تەواوکردنی شایستە دەستوورییەکان و پێکهێنانی حکومەتێکی بەهێز بۆ ڕووبەڕووبوونەوەی تەحەدییەکان هەڵبگرن.

 ئەمەش لەکاتێکدایە، دوێنێ دووشەممە ئەنجومەنی نوێنەرانی عیراق پازدەهەمین کۆبوونەوەی خۆی ئەنجامدا و جگە لە هەمووارکردنەوەی چەند یاسایەک دەنگی لەسەر چەند پرۆژە یاسایەکی دیکەش دا، هاوکات بڕیارە سبەینێش بەمەبەستی تاوتوێکردنی چەند پرسێکی دیکە کۆببێتەوە.

PUKMEDIA