میسر: تەنها ترەمپ دەتوانێت جەنگ لەناوچەكە رابگرێت

AP

عەبدولفەتاح سیسی، سەرۆكی میسرو دۆناڵد ترەمپ، سەرۆكی ئەمریكا

سەرۆكی میسر داوا لە دۆناڵد ترەمپ دەكات جەنگی نێوان ئێران و ئیسرائیل رابگرێت و هۆشداریش لەبەرزبوونەوەی نرخی نەوت بۆ سەروو 200 دۆلار دەدات.

ئاژانسی هەواڵی رۆیتەرز رایگەیاند: عەبدولفەتاح سیسی، سەرۆكی میسر، ئەمڕۆ دووشەممە 30ی 3ی 2026، داوای لە دۆناڵد ترەمپ، سەرۆكی ئەمریكا كرد، دەستوەردان بكات و جەنگی نێوان  ئێران و ئیسرائیل رابگرێت، چونكە تەنها سەرۆكی ئەمریكا دەتوانێت شەڕو ئاڵۆزییەكانی ناوچەكە رابگرێت.

راشیگەیاند: هاوكات سەرۆكی میسر هۆشداریداوە لەوەی بەهۆی بەردەوامی جەنگەوە مەترسی بەرزبوونەوەی نرخی نەوت لەجیهاندا بۆ سەروو 200 دۆلار بۆ هەر بەرمیلێك هەیە .

ئەمەش لەكاتێكدایە، ئەمڕۆ دووشەممە 30ی 3ی 2026، دۆناڵد ترەمپ، سەرۆكی ئەمریكا،  لە تروس سۆشیاڵ رایگەیاند: ئەگەر بەهەر هۆكارێك بەم زووانە لەگەڵ ئێران نەگەینە رێككەوتن و گەرووی هورمز ⁠راستەوخۆ بەڕووی بازرگانیدا نەكرێتەوە، پەلاماری  وێستگەكانی بەرهەمهێنانی كارەباو دامەزراوە نەوتی و گازییەكانی ئێران دەدەین و دورگەی خارگ لەناو دەبەین.

PUKMEDIA