پنتاگۆن داوای بودجەی زیاتر بۆ جەنگ دەکات

میدیاکان

وەزارەتی جەنگی ئەمریکا - پنتاگۆن

وەزارەتی جەنگی ئەمریکا داوای زیاتر لە 200 ملیار دۆلاری دیکە بۆ بودجەی جەنگ دەکات،کە بۆ دابینکردنی تێچووی جەنگی ئێران و پڕکردنەوەی کۆگە چەکەکانی ئەمریکایە.

وەزارەتی جەنگی ئەمریکا (پنتاگۆن) داوای لە کۆشکی سپی کردووە، ڕەزامەندی دەرببڕێت لەسەر دابینکردنى بودجەی جەنگ، کە بڕەکەی زیاتر لە 200 ملیار دۆلارە.

 ئەم بودجەیە بۆ دابینکردنی تێچووی جەنگی ئێران و پڕکردنەوەی کۆگاکانى چەکی ئەمریکایە، بەڵام  بەپێی راپۆرتێکی رۆژنامەی واشنتن پۆست ،بەشێک لە بەرپرسانی کۆشکی سپی پێیانوایە ئەم بڕە پارەیە هیچ دەرفەتێکی نییە لە کۆنگرێس پەسند بکرێت.

ئاماژە بەوەشکراوە، پنتاگۆن لە دوو هەفتەی رابردوودا چەندین پێشنیازی جیاوازی بۆ بودجە خستووەتەڕوو، بەڵام ئەمەی دواییان زۆر لەوە زیاترە کە چاوەڕوان دەکرا.

ئەم داوایەی وەزارەتی جەنگی ئەمریکا لەکاتێکدایە، لە هەفتەی یەکەمدا ئەمریکا زیاتر لە 11 ملیار دۆلاری بۆ ئۆپراسیۆنەکان خەرج کردووە و بۆ بەردەوامی جەنگەکەش داوای بڕی 200 ملیار دۆلاری دیکە دەکەن.

PUKMEDIA