قوباد تاڵەبانی: گۆڕانكاری لە ئیدارەدانی ناوچە جێناكۆكەكان بكرێت
کوردستان 05:03 PM - 2023-12-20كۆبوونەوەی قوباد تاڵەبانی لەگەڵ جێگری وەزیری دەرەوەی ئەمریكا بۆ كاروباری سیاسی بەوەكالەت
قوباد تاڵەبانی، جێگری سەرۆكوەزیران لەگەڵ ڤیكتۆریا نوڵاند، جێگری وەزیری دەرەوەی ئەمریكا بۆ كاروباری سیاسی بەوەكالەت كۆبووەوە و لە كۆبوونەوەی نێوانیاندا چەند پرسی جێگەی بایەخی هەردوولا تاوتوێ كران.
لە كۆبوونەوەكەدا كە لە هەولێر بەڕێوەچوو، هەر یەكە لە ئەلینا رۆمانۆڤسكی، باڵیۆزی ئەمریكا لە عێراق و مارك سترۆ، كونسوڵی گشتی ئەمریكا لە هەرێم و شۆڕش ئیسماعیل، وەزیری پێشمەرگە و دارا رەشید، وەزیری پلاندانان و دابان شەدەڵە، جێگری لێپرسراوەی فەرمانگەی پەیوەندییەكانی دەرەوەی هەرێم ئامادەی بوون.
لە تەوەرێكی كۆبوونەوەكەدا باسی بەڕێوەچوونی هەڵبژاردنەكانی ئەنجومەنی پارێزگاكانی عێراق كرا. وەفدی ئەمریكا پیرۆزبایی بەڕێوەچوونی سەركەوتووانەی هەڵبژاردنەكانیان كرد. لەمبارەیەوە جێگری سەرۆك وەزیران هیوای خواست بەپێی دەرەنجامی هەڵبژاردنەكان گۆڕانكاری لە شێوازی ئیدارەدانی كەركوك بێتە ئاراوە و لە ئیدارەی داهاتوودا هیچ پەراوێزخستن و جیاوازیدانانێك نەمێنێت و وەك یەك خزمەتی هەموو پێكهاتەكان بكرێت.
لە بەشێكی دیكەی كۆبوونەوەكەدا تاوتوێی دۆخی سیاسی و ئەمنی عێراق كرا. هەردوولا هاوڕابوون لەسەر گرنگی سەقامگیری سیاسی و ئەمنی كەئەمەش پێویستی بەهەموو لایەنەكانە.
لە تەوەرێكی دیكە باس لە دۆخی ئازادییەكان و كۆمەڵگای مەدەنی لە هەرێمی كوردستان كرا. هەردوولا جەختیان كردەوە لەسەر گرنگی باشتركردنی دۆخی ئازادی رادەربڕین و بەهێزتركردنی كۆمەڵگای مەدەنی لە كوردستان. لەمبارەیەوە قوباد تاڵەبانی ئاماژەی بەوەدا كە بەهێزبوونی كۆمەڵگای مەدەنی گرنگە بۆ گەشەسەندنی دیموكراسی و باشتربوونی دۆخی مافەكانی مرۆڤ لە هەرێمی كوردستان.
هاوكات سەبارەت بە رۆڵی ئەمریكا و هاوپەیمانان لە عیراقیش، هەردوولا هاوڕابووین مانەوەی هاوپەیمانان و ئامادەیی زیاتر لە هەموو رووەكانەوە لەم قۆناغەدا بۆ سەقامگیری سیاسی و ئەمنی عیراق و هەرێمی كوردستان پێویستە.
PUKMEDIA
هەواڵی زیاتر
-
گهنمی جوتیارانی ههرێم به 2 ترلیۆن دینار دهخهمڵێندرێت
01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
11:11 AM - 2024-05-01 -
شاڵاو کۆسرەت رەسوڵ سەردانی ژمارەیەک کەسایەتی ناسراو دەکات
09:47 PM - 2024-04-30
ئەمانەش ببینە
کوردستان 08:38 PM - 2024-05-01 مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
03:07 PM - 2024-05-01
رێواز فایهق: نابێت دهرفهتی ههڵبژاردن لهدهستبدهین
10:50 AM - 2024-05-01
کوردستان قەرزاری دەستی کرێکارانە
09:58 AM - 2024-05-01
چوار فراکسیۆنی کوردستانی دژی دواخستنی هەڵبژاردنن
06:19 PM - 2024-04-30
زۆرترین خوێنراو
-
مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
کوردستان 08:38 PM - 2024-05-01 -
شاڵاو کۆسرەت رەسوڵ بەشداری پرسەیەک دەکات
پرسەنامە 06:11 PM - 2024-05-01 -
قوباد تاڵهبانی: ئهرسهلان بایز ههمووكات قهڵهم و دهنگێكی راستگۆ بووه
ی ن ک 05:29 PM - 2024-05-01 -
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
کوردستان 03:07 PM - 2024-05-01 -
گهنمی جوتیارانی ههرێم به 2 ترلیۆن دینار دهخهمڵێندرێت
کوردستان 01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
کوردستان 01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
کوردستان 11:11 AM - 2024-05-01 -
رێواز فایهق: نابێت دهرفهتی ههڵبژاردن لهدهستبدهین
کوردستان 10:50 AM - 2024-05-01