یەکەم کۆبوونەوەی مەکتەبی سیاسیی یەکێتی بەڕێوەچوو
کوردستان 10:22 PM - 2023-10-10کۆبونەوەی مەکتەبی سیاسی
ئەمڕۆ ١٠ تشرینی یەکەمی ٢٠٢٣ بە سەرپەرشتی سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان یەکەم کۆبوونەوەی مەکتەبی سیاسی لە دەباشان بەڕێوەچوو .
لەبارەی ناوەڕۆکی کۆبوونەوەکەوە سەعدی ئەحمەد پیرە وتەبێژی یەکێتی رایگەیاند: "ئەمڕۆ رۆژێكی گرنگ بوو، یەكەم كۆبوونەوەی مەكتەبی سیاسی بوو دوای پێنجەمین كۆنگرەی یەكێتی، گرنگییەكەی لەوەدابوو كە سەرلەبەیانی ئەمڕۆ 10/10 سەردانی ژمارەیەك لەو هاوڕێ و هەڤاڵانەمان كرد كە لەبەر هەر هۆیەك بووبێت نەیانتوانیوە بەشداریی پێنجەمین كۆنگرە بكەن، سەردانەكانیش بۆ لای هەڤاڵان راسپاردەیەكی گرنگی كۆنگرەیە و بەردەوامیش دەبین و تەواوی ئەو هەڤاڵانە بەسەردەكەینەوە كە پێمانوایە پێویستە لە بارودۆخ و ژیانیان ئاگاداربین. وتیشی: لە سەردانەكانماندا بۆ لای هەڤاڵان عومەر فەتاح، سامان گەرمیانی و شۆڕش ئیسماعیل، بەرچاوڕوونیمان دایە هەڤاڵان لەبارەی ئیشوكارەكانی ئەم قۆناغەی یەكێتیی نیشتمانیی كوردستان، كە ئەو هەڤاڵانە؛ یەكێتیی نیشتمانیی كوردستان بەشێكە لە ژیانیان چ لە شاخ چ لە شار و لە خەباتی نهێنیشیاندا".
سەبارەت بە قۆناغی داهاتووش، وتەبێژی یەكێتی، رایگەیاند: "ئاشكرایە كە دوو هەڵبژاردنی گەورە لەپێشمانە، ئەنجومەنی پارێزگاكانی عیراق و پەرلەمانی كوردستان، بۆیە یەكێتیی ناو یەكێتی و كۆكردنەوەی هەموو تواناكان زۆر پێویستە بۆ یەكێتیی نیشتمانیی كوردستان".
لەبارەی ناوەرۆكی یەكەم كۆبوونەوەی مەكتەبی سیاسی لە دوای پێنجەمین كۆنگرەوە، سەعدی ئەحمەد پیرە، وتی: "لە كۆبوونەوەكەدا باسی زۆر شتی گرنگ كرا، لە گرنگترینیان هەڵبژاردنی ئەنجومەنی پارێزگاكان و چۆنێتی ئامادەكارییەكانی یەكێتییە بۆ ئەو هەڵبژاردنە گرنگە".
ئاماژەی بەوەشکرد: "لە كۆبوونەوەكانی داهاتووی مەكتەبی سیاسیی یەكێتیدا، ئەركی ئەندامانی مەكتەبی سیاسی بەپێی پسپۆڕییان بۆ بوارە جیاجیاكان دیاریدەكرێت، جگەلەوەش هەیئەتێك هەڵبژێردراوە كە لە داهاتوویەکی نزیکدا بە راپۆرتێك ئیشوكاری مەڵبەند و مەكتەب و دامودەزگاكانی یەكێتی دیاریدەكات و مەكتەبی سیاسیش لە راپۆرتەكە و چۆنێتی ئیشوكارەكانیان ئاگاداردەكرێتەوە، كە چ گۆڕانكارییەك پێویستە بۆ ئەم قۆناغ و بارودۆخە بەشێوەیەكی گشتی".
لەبارەی ئەركی داهاتووی یەكێتی لە بەغدا، وتەبێژی یەكێتی، ئەوەی خستەڕوو كە «یەكێتی، هەمیشە ئامادەیی هەبووە لە بەغدا، هەمیشە كاریكردووە بۆ چارەسەركردنی كێشەكانی نێوان هەرێم و بەغدا و بەتایبەتیش ئەو كێشانەی راستەوخۆ پەیوەندییان هەیە بە ژیانی هاووڵاتیانی هەرێمی كوردستان و مووچەخۆرانەوە، پێویستیشە بەوشێوەیە لەگەڵ بەغدا مامەڵەبكرێت كە نابێت دوودڵ بین، نابێت وەها شتێك بە مەترسیی بزانین لەسەر هەرێم كە مووچەی مووچەخۆرانی هەرێم و خانەنشینانمان لە رێگەی كارت لە بانكەكانەوە دابەشبكرێت، بەپێچەوانەوە دەبێت سوودوەربگرین لە پەیوەندییە بانكییەكان و پەرەی پێبدەین و كارێك بكرێت هەر كەسەو كارتی خۆی هەبێت و مووچە لەكاتی خۆیدا وەربگرێت و ژیانی مسۆگەربێت».
PUKMEDIA
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26