بەڤیدیۆ.. چیرۆكی دزینی مووچەكەی شار لەزاری تۆمەتبارەكانەوە

.

ئەو تۆمەتبارانەی لەسەر دزینی مووچەكەی نەخۆشخانەی شار دەستگیركران دانیان بەتاوانەكەیانداناو چیرۆكی دزینی پارەكە دەگێڕنەوە، وتەبێژی پۆلیسیش دەڵێت یەكێك لەتۆمەتبارەكان دەستگیرنەكراوەو هێزەكانیان بەردەوامن لەبەدواداچوونەكانیان بۆ دەستگیركردنی.

رۆژی 12ی ئاداری 2019، ژمارەیەك چەكدا هەڵیانكوتایە سەر ئەو ئۆتۆمبێلەی مووچەی كارمەندانی نەخۆشخانەی شاری پێدەگوازرایەوە، دوای ئەوەی بەزەبری چەك ئۆتۆمبێلەكەیان رفاندو موچەكەیان دزی، لەماوەی كەمتر لە 24 سەعاتدا هێزەكانی دژەتیرۆرو ئاسایش و پۆلیس توانیان تۆمەتبارەكان دەستگیربكەن و  دانیان بەتاوانەكەیانداناو دواتریش پارەكە بۆ نەخۆشخانەی شار گەڕێنرایەوە,.

ئەمڕۆ 25ی ئاداری 2019،بەڕێوەبەرایەتی پۆلیسی سلێمانی دانپێدانانی تۆمەتبارەكانی بڵاوكردەوە كە چیرۆكی دزینی مووچەكەو چۆنیەتی تاوانەكە دەگێڕینەوە.

دوێنێش سەركەوت ئەحمەد بەڕێوەبەری راگەیاندن و پەیوەندییەكانی بەڕێوەبەرایەتی پۆلیسی پارێزگای سلێمانی ئاشكرایكردبوو تائێستا تۆمەتبارێكی تری تاوانەكە بەناوی (ش) دەستگیرنەكراوەو هێزەكانیان بەردەوامن لەبەدواداچوونەكانیان بۆ دەستگیركردنی ئەو تۆمەتبارەو رادەستكردنی بەدادگا.

PUKmedia تایبەت 

لینكی یارمەتیدەر بۆ بینینی ڤیدیۆیەكە