جلوبەرگی كوردی و بۆینباخ كلتوری كۆیه‌یه‌و مام جه‌لالیش پۆشیویه‌تی

.

شاری كۆیه‌ چه‌ندین دیزاینی مێژووی جلوبەرگی كوردی هه‌یه‌ و به‌شێوه‌ی جیاوازیش له‌به‌ركراوه‌ بۆ نمونه‌ یه‌كێك له‌ دیارترینیان پۆشینی بۆینباخه‌ له‌گه‌ڵ جلوبەرگی كوردی كه‌ سه‌رۆك مام جه‌لال و دڵداری شاعیر و چه‌ندین كه‌سایه‌تی ناسراوی كۆیه‌ پۆشیویانه‌.

وەستا سه‌رباز كه‌ به‌رگدرویه‌كی شاری كۆیه‌یه‌و ماوه‌ی 50 ساڵه‌ ئه‌م پیشه‌یه‌ ده‌كات له‌ لێدوانێكیدا بۆ PUKmedia وتی: له‌ كۆیه‌ چه‌ند جۆرێكی جلوبەرگیكوردی هه‌یه‌ له‌وانه‌ چۆغه‌, كورته‌ك، وتیشی: ئه‌م قوماشانه‌ی ئێستا زۆر جیاوازن و قوماشی ساڵان زۆر باشتر بون، به‌داخیشه‌وه‌ ئێستا خه‌ڵك به‌س بۆ نه‌ورۆز و بۆنه‌و ئاهه‌نگه‌كان جلوبەرگی كوردی ده‌كه‌ن.

هاوكات ره‌هبه‌ر سه‌ید ئیبراهیم نوسه‌ر و روناكبیر به‌ PUKmedia ی راگه‌یاند: له‌ كۆیه‌ چه‌ندین شێوه‌ی جلوبەرگی كوردی هه‌یه‌و هه‌ر یه‌كێكیان له‌ شوێنێكه‌وه‌ وه‌رگیراون، له‌وانه‌ مه‌حمودی له‌شێوه‌ی جلوبەرگی شێخ مه‌حمودی نه‌مره‌وه‌ وه‌رگیراوه‌و جلوبەرگی دیموكرات هه‌یه‌ كه‌ هی حزبی دیموكراته‌ هه‌روه‌ها جلوبەرگیستارخانی و مرادخانی هه‌یه‌، جلوبەرگێكی ترمان هه‌یه‌ كه‌ مووچه‌خۆر و رۆشنبیره‌كان له‌ دوای ده‌وام له‌به‌ریان ده‌كرد و جه‌مه‌دانیان ده‌به‌ست و بۆینباخیشیان ده‌ست كه‌ سه‌رۆك مام جه‌لال و دڵداری شاعیر و مێژوونووس تاهر حه‌وێزی به‌م جۆره‌ له‌به‌ریان كردوه‌و له‌ ئێستاشدا به‌نده‌ له‌ بۆنه‌و مه‌راسیمه‌كاندا به‌و شێوه‌یه‌ جلوبەرگی كوردی ده‌پۆشم.

PUKmedia كاوه‌ عه‌بدوڵڵا_ كۆیه‌