گه‌ڕه‌كێكی دێرین مه‌ترسی روخانی هه‌یه‌

.

كۆنترین گه‌ڕه‌كی شاری كۆیه‌ به‌ناوى (  بایز ئاغا ) كه‌ ژماره‌یه‌كی زۆر خانووی كه‌له‌پوری تێدایه‌ مه‌ترسی روخان و له‌ناوچونی هه‌یه‌.

هاووڵاتی شه‌ریف زاهیر كه‌ دانیشتوی گه‌ڕه‌كی بایز ئاغایه‌ له‌ كۆیه‌ له‌ لێدوانێكدا بۆ PUKmedia وتی: من ماوه‌ی 25 ساڵه‌ له‌م گه‌ڕه‌كه‌م و هه‌تا ئێستا چه‌ندین جاری به‌ردی خانوكان كه‌وتونه‌ته‌ خواره‌وه‌و چه‌ند منداڵێك برینداربون، به‌و هۆیه‌وه‌ مه‌ترسی له‌سه‌ر ژیانمان هه‌یه‌.

سه‌ركه‌وت سۆفی به‌ڕێوه‌به‌ری فه‌رمانگه‌ی شوێنه‌واری كۆیه‌ به‌ PUKmedia ی راگه‌یاند: ئه‌م گه‌ڕه‌كه‌ له‌ ساڵانی 1850 ه‌وه‌ خانوی تێدا دروست كراوه‌و نزیكه‌ی 50 خانووی كه‌له‌پوری تێدایه‌، به‌ڵام له‌به‌ر ئه‌وه‌ی موڵكی گشتی نیه‌و تایبه‌ته‌ ئێمه‌ ناتوانی نۆژه‌نیان بكه‌ینه‌وه‌.

وتیشی: به‌هۆی كۆنی خانوه‌كانیه‌وه‌ له‌ ئه‌نجامی بارانبارین خانوه‌كان ده‌روخێن و به‌ره‌و له‌ناوچون ده‌چن.

ئه‌م خانوانه‌ به‌رزیان 15 مه‌تره‌و له‌ به‌رد و قسڵ دروستكراون.

PUKmedia كاوه‌ عه‌بدوڵڵا/ كۆیه‌