پێشمه‌رگه‌یه‌ك چه‌ندین پارچه‌ ئاسه‌واری مێژوویی ده‌دۆزێته‌وه‌

.

هه‌شتاو دوو پارچه‌ ئاسه‌واری مێژووی دێرین له‌لایه‌ن پێشمه‌رگه‌یه‌كه‌وه‌ له‌رۆژهه‌ڵاتی قه‌ره‌ته‌په‌و جه‌له‌ولا ده‌دۆزرێته‌وه‌و پێشكه‌ش به‌مۆزه‌خانه‌ی سلێمانی ده‌كرێت.

ئه‌مڕۆ 2/11/2016 به‌ئاماده‌بوونی مه‌حمود سه‌نگاوی ئه‌ندامی مه‌كته‌بی سیاسی یه‌كێتیی نیشتمانیی كوردستان و به‌رپرسی میحوه‌ری گه‌رمه‌سێری هێزه‌كانی پێشمه‌رگه‌ی كوردستان، هه‌شتاو دوو پارچه‌ ئاسه‌واری مێژوویی دێرین كه‌ له‌لایه‌ن (به‌ختیار حه‌مید مه‌جید) یه‌كێك له‌پێشمه‌رگه‌كانی سنوری قه‌ره‌ته‌په‌و جه‌له‌ولا دۆزابووه‌وه‌ پێشكه‌ش به‌ مۆزه‌خانه‌ی سلێمانی كرا.

ئه‌و هه‌شتاو دوو پارچه‌ مێژووییه‌ به‌نرخه‌ پێكهاتبوو له‌چه‌ندین بوكه‌ڵه‌و كه‌مۆڵه‌ی گڵین و چه‌ندین پارچه‌ شوێنه‌واری تر كه‌ مێژوویه‌كه‌یان بۆ سه‌رده‌می ساسانی و ئیسلامی ده‌گه‌ڕێته‌وه‌، دوای دۆزینه‌وه‌شیان راده‌ستی فه‌رمانده‌یی میحوه‌ری گه‌رمه‌ سێری كرابوو تا بگه‌یه‌نرێته‌ شوێنی مه‌به‌ست.

PUKmedia تایبه‌ت