بەوێنە.. دۆزینەوەی (گەنجینەی مرۆڤایەتی) لە ئیسپانیا

.

زانایانی شوێنەوارناسی چەند نەخشێكی سەر دیواریان دۆزیەوە كە وێنەی چەندین ئاژەڵیان لە خۆگرتووە و مێژووەكەیان بۆ 14 هەزار ساڵ لەمەوبەر دەگەڕێتەوە.

نەخشی سەر دیوارەكان لە ژێرزەمینێكدا لە ژێر زەوی شارێكی كەنار دەریا لە ئیسپانیا دۆزراونەتەوە.

لەم رووەوە لە ئەشكەوتێكدا لە باكووری شاری لیكیتۆی ئیسپانیا 50 وێنە دۆزراونەتەوە كە وێنەی بزن و ئەسپ و شێر لە خۆدەگرن و بە شێوەیەكی دەگمەن و سەرنجڕاكێش داتاشراون كە گوزارشت لە هونەرێكی پێشكەوتوو لە چاخی بەردینی كۆندا دەكەن.

 نەخشی سەر دیواركان پێنج وێنەی بزن و دوو پیزۆن (جۆرە مانگایەكە لە ئەوروپا و ئەمریكا دەژی) و 18 ئەسپ و دوو وێنەی شێر لە خۆدەگرن كە زنجیرەیەك بازنە و هێڵ بەدەوریاندا كێشراوە و بەكۆی گشتیان ئەم دۆزینەوە هونەرییە دێرینەیان پێكهێناوە.

بەرپرسێكی ناوچەیی لەو شارە رایگەیاند نەخشەكان بە "گەنجینەیەكی مرۆڤایەتی" دادەنرێن و بە زەحمەتێكی زۆر دۆزراونەتەوە. وتیشی: "جارێ شوێنەكە بەداخراوی دەمێنێتەوە لەبەردەم خەڵكدا".

PUKmedia   ئاژانسەكان