کۆیه‌.. ئاشه‌ ئاوییه‌كه‌ به‌ره‌و له‌ناوچوون ده‌چێت

.

شاری كۆیه‌ له‌رابردوودا خاوه‌نی چه‌ندین ئاش بووه‌  كه‌ به‌ئاو كاریانكردوه‌، خه‌ڵكی شاری كۆیه‌ سه‌ردانی ئه‌م ئاشه‌یان كردووه‌ به‌مه‌به‌ستی هاڕینی دانه‌وێڵه‌كانیان، جێگه‌ی نیگه‌رانیه‌ كه‌ به‌ره‌و له‌ناوچوون ده‌چێت.

سه‌ركه‌وت سۆفی به‌ڕێوه‌به‌ری فه‌رمانگه‌ی شوێنه‌واری كۆیه‌ به‌ PUKmedia   ی راگه‌یاند: ته‌مه‌نی ئه‌و ئاشه‌ زیاتر له‌ 100ساڵ ده‌بێت، له‌ئێستاداپێویستی به‌ نۆژه‌ن كردنه‌وه‌یه‌، به‌ڵام به‌هۆی نه‌بوونی بودجه‌ ناتوانین نۆژه‌نی بكه‌ینه‌وه‌، هه‌ربۆیه‌ به‌ره‌وله‌ناوچوون ده‌چێت، ئه‌مه‌ش بۆته‌ جێگای نیگه‌رانی، چوونكه‌ تاكه‌ ئاشه‌ كه‌ بیناكه‌ی مابێت ئه‌م ئاشه‌یه‌.

سه‌ركه‌وت وتیشی: داواكارین له‌ حكومه‌تی هه‌رێمی كوردستان ئه‌م بینایه‌ نۆژه‌ن بكاته‌وه‌، چونكه‌ گرنگه‌ وتایبه‌تمه‌ندی خۆی هه‌یه‌.

PUKmedia كاوه عه‌بدوڵڵا - كۆیه‌