كۆیه‌.. دوو پارچه‌ شوێنه‌وار دۆزرایه‌وه‌

.

دووپارچه‌ شوێنه‌وار دۆزرایه‌وه‌ كه‌مێژووه‌كه‌ی بۆ 4000 ساڵ پێش ئێستا ده‌گه‌ڕێته‌وه‌

سه‌ركه‌وت سۆفی به‌رێوه‌به‌ری فه‌رمانگه‌ی شوێنه‌واری كۆیه‌ به‌ PUKmedia ی راگه‌یاند: هاووڵاتیه‌ك به‌ناوی (بێستون عه‌لی) دوو پارچه‌ شوێنه‌واری دۆزیوه‌ته‌وه‌ له‌قه‌ت پاڵی شاخێك له‌گوندی كانی وه‌تمان كه‌ له‌شێوه‌ی نه‌خش و نیگار دایه‌و پێشكه‌شی فه‌رمانگه‌ی شوێنه‌واری كۆیه‌ی كرد.

وتیشی: ئێمه‌ به‌مه‌به‌ستی دڵنیابوون له‌پشكنینی ئه‌م دوو پارچه‌ شوێنه‌واره‌ له‌لایه‌ن زانكۆیه‌كی ئه‌ڵمانیه‌وه‌ كه‌سه‌ردانی فه‌رمانگه‌ی شوێنه‌واری كۆیه‌یان كردبوو وتیان به‌مه‌زنده‌ی ئێمه‌ میژووه‌كه‌ی ده‌گه‌ڕته‌وه‌ بۆ پێش  4 هه‌زار ساڵ، بڕیاریشه‌ ئه‌و دوو پارچه‌ شوێنه‌واره‌ بنێرێته‌ ئه‌ڵمانیا بۆ ئه‌وه‌ی دڵنیابن كه‌ مێژوه‌كه‌ی بۆ چ ساڵێك ده‌گه‌ڕێته‌وه‌.



PUKmedia كاوه‌ عبدوڵڵا / كۆیه‌