به‌ڤیدیۆ.. داعش مۆزه‌خانه‌ی موسڵی وێرانكرد

هه‌موو په‌یكه‌ره‌ مێژووییه‌كانی مۆزه‌خانه‌كه‌یان شكاند

ئه‌مڕۆ 2015/2/26 تیرۆرستانی داعش چه‌ند وێنه‌و ڤیدیۆیه‌كیان بڵاوكرده‌وه‌ كه‌تیایدا هه‌ڵده‌ستن به‌شكاندن و له‌ناوبردنی شوێنه‌واری مێژووی ئاشورییه‌كان له‌مۆزه‌خانه‌ی موسڵ.

له‌گرته‌ ڤیدیۆكه‌دا ده‌رده‌كه‌وێت كه‌ كۆمه‌ڵێك له‌تیرۆرستانی داعش هه‌ڵده‌كوتنه‌ سه‌ر مۆزه‌خانه‌كه‌و به‌كۆمه‌ڵێك پیك و ئامێری كاره‌بایی  هه‌ڵكۆڵین و شكاندن ده‌ستده‌كه‌ن به‌ له‌ناوبردنی په‌یكه‌ره‌ مێژووییه‌كانی ئاشوری كه‌ مێژووی هه‌ندێكیان بۆ سه‌ده‌ی نۆی پێش زایین ده‌گه‌ڕێته‌وه‌.

داعش به‌هانه‌یان بۆ شكاندن و له‌ناو بردنی ئه‌م شوێنه‌وار مێژوویانه‌ ئه‌وه‌یه‌ كه‌ بووه‌ته‌ شوێنی كوفرو هاوه‌ڵ دروستكردن بۆ خوا.

له‌گه‌ڵ ئه‌وه‌شدا داعش هه‌ندێك له‌ كه‌ل و په‌ل و شوێنه‌واره‌ مێژووییه‌كانیان له‌بازاڕی ره‌شدا فرۆشتوه‌ بۆ به‌ده‌ستهێنانی پاره‌و سڕینه‌وه‌ی مێژووی ئه‌و شاره‌.

PUKmedia