نزار ئامێدى: هێز و شکۆی دەوڵەت لە دامەزراوە دەستووری و یاساییەکانیدا بەرجەستەدەبێت

نوسینگەى راگەیاندنى سەرۆک کۆمار

نزار ئامێدى سەرۆک کۆمارى عیراق

نزار ئامێدی سەرۆک کۆمارى عیراق پەیامێکى بڵاوکردەوە و رایگەیاند: پێشوازی لەو هەڵوێست و هەنگاوانە دەکەین کە لە کۆبوونەوەی چوارچێوەی هەماهەنگیدا هاتوون بۆ چەسپاندنی دەسەڵاتی دەوڵەت و بەهێزکردنی سەروەرییەکەی، هەروەها پێشوازی و پاڵپشتی لە دەسپێشخەرییەکەی شێخ قەیس خەزعەلی، ئەمینداری گشتیی بزووتنەوەی عەسائیبی ئەهلی حەق دەکەین.

دەقى پەیامەکە:

پێشوازی لەو هەڵوێست و هەنگاوانە دەکەین کە لە کۆبوونەوەی چوارچێوەی هەماهەنگیدا هاتوون بۆ چەسپاندنی دەسەڵاتی دەوڵەت و بەهێزکردنیسەروەرییەکەی، هەروەها پێشوازی و پاڵپشتی لە دەسپێشخەرییەکەی بەڕێز شێخ قەیس خەزعەلی، ئەمینداری گشتیی بزووتنەوەی عەسائیبی ئەهلی حەق دەکەین، کە بریتییە لە پچڕاندنی پەیوەندی بزووتنەوەکە بە پێکهاتەکانی دەستەی حەشدی شەعبییەوە وجەختکردنەوە لەسەر بنەمای مانەوەی چەک تەنها لە دەستی دەوڵەتدا، بەو شێوەیەی کە لەگەڵ بڕگەکانی دەستوور و یاسادا دەگونجێت و ئاسایش و سەقامگیری لە وڵاتدا بەهێز دەکات.

دوپاتی دەکەینەوە کە هێز و شکۆی دەوڵەت لە دامەزراوە دەستووری و یاسایییەکانیدا بەرجەستە دەبێت، و هەر هەنگاوێک کە بەشدار بێت لە پاڵپشتیکردنی ئەم رێکارە، نوێنەرایەتی چەسپاندنی بنیاتنانی دەوڵەت و سەروەری یاسا دەکات، و دەبێتە هۆی بەهێزکردنی متمانەی هاووڵاتیان بە دامەزراوەکانیان، ئەمەش هاوتایە لەگەڵ بڕگەکانی دەستوور و یاسا کارپێکراوەکان و ڕێنمایییەکانی مەرجەعیەتی باڵای ئایینی.

نزار ئامێدی
سەرۆک کۆمار
سێشەممە 2ی حوزەیرانی 2026

PUKMEDIA