گرژییەکانی نێوان ئێران و ئەمریکا دەستپێدەکاتەوە

ئاژانسەکان

ئاڵای ئەمریکا و ئێران

بەرەبەیانی ئەمڕۆ پێنجشەممە، گرژییە سەربازییەکانی نێوان ویلایەتە یەکگرتووەکانی ئەمریکا و کۆماری ئیسلامی ئێران گەیشتنە قۆناغێکی نوێ، دوای ئەوەی هەردوولا هێرشی راستەوخۆیان کردە سەر پێگەکانی یەکدی لە ناوچەی گەرووی هورمز و ناوخۆی ئێران.

سوپای ئەمریکا پشتڕاستی کردەوە کە هێزەکانیان هێرشێکی سەربازییان کردووەتە سەر شاری بەندەر عەباس لە باشووری ئێران، هاوکات لە لای خۆیەوە ئاژانسی "فارس"ی رەسمی ئێران ڕایگەیاندوە: سیستەمەکانی بەرگری ئاسمانی وڵاتەکە لە دەوروبەری گەرووی هورمز چالاک کراون بۆ بەرپەرچدانەوەی هێرشەکان.

لە کاردانەوەی ئەمەشدا، سوپای پاسدارانی ئێران رایگەیاند: وەک وەڵامدانەوەیەک بۆردومانی بنکەیەکی ئاسمانیی هێزەکانی ئەمریکامان لە ناوچەکەدا کردووە، بەڵام پنتاگۆن تا ئێستا هیچ لێدوانێکی رەسمی لەسەر قەبارەی زیانەکانی ئەو بنکەیە نەداوە.

ئەم ئاڵۆزییە کتوپڕە بووەتە هۆی شڵەژان و بەرزبوونەوەی نرخی نەوت لە بازاڕەکانی وزەی جیهاندا بەهۆی گرنگیی ستراتیژیی گەرووی هورمزەوە.

PUKMEDIA