riklam

عيراق هاوردەکردنی ئاژەڵ لە سوریاوە قەدەغە دەکات

عیراق 10:17 AM - 2026-05-22
سامانی ئاژەڵ میدیاکان

سامانی ئاژەڵ

عیراق هاوردەکردنی ئاژەڵی زیندوو لە سوریاوە بەشێوەی ترانزێت قەدەغە دەکات و وەزارەتی کشتوکاڵیش رایدەگەیەنێت: بڕیارە کاتییە و بۆ پاراستنی سامانی ئاژەڵ و ڕێگریی لە بڵاوبوونەوەی تای خوێنبەربوونە.

وەزارەتی کشتوکاڵی عیراق، لە راگەیەندراوێکیدا ئاماژەی بەوەکردووە: هاوردەکردنی ئاژەڵی زیندوو لە سوریاوە بۆ عیراق و وڵاتانی کەنداو بەشێوەی ترانزێت قەدەغە دەکرێت.

کشتوکاڵی عیراق، هۆکارەکەی بۆ پاراستنی سامانی ئاژەڵ و ڕێگریی لە بڵاوبوونەوەی تای خوێنبەربوون گێڕاوەتەوە.
 ئاماژەی بەوەشکردووە: بڕیارەکە دوای ئەوە دەرکراوە، کە هەواڵمان پێگەیشتووە، تای خوێنبەربوون لە چەندین پارێزگای سوریا لە ناو مەڕ و مانگادا بڵاوبووەتەوە.

لە کۆتایشدا، وەزارەتی کشتوکاڵ رایگەیاندووە: بڕیارەکە کاتییە و بۆ رێگری لە بڵاوبوونەوەی پەتاکەیە، دووپاتیشی کردەوە، کە بەبێ جیاوازی  لەنێوان وڵاتاندا، بڕیارە خۆپارێزییەکان جێبەجێ دەکەین.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket